ఈ చిన్న గుడ్లలో ఇన్ని పోషకాలా? పుతిన్ ఆరోగ్య రహస్యం గురించి తెలిస్తే షాక్ అవుతారు!

ప్రపంచంలోని అత్యంత శక్తివంతమైన నాయకులలో ఒకరైన పుతిన్..తన వయసు కంటే చాలా చిన్నగా, దృఢంగా కనిపిస్తారు. గత వారం పుతిన్ భారత్ లో పర్యటించారు. ఆ సమయంలో భారత్-రష్యా మధ్య పలు కీలక ఒప్పందాలు కూడా జరిగాయి. అయితే అదే సమయంలో పుతిన్ ఫిట్‌ నెస్ రహస్యాలు చర్చనీయాంశమయ్యాయి.

73 ఏళ్ల వయస్సులో కూడా పుతిన్ లో ఉట్టిపడే శక్తి, చురుకైన జీవనశైలి వెనుక ఉన్న అసలు రహస్యం ఆయన తీసుకునే ఆహారమే. 'ఫ్రాజిల్ ఎంపైర్: హౌ రష్యా ఫెల్ ఇన్ అండ్ అవుట్ ఆఫ్ లవ్ విత్ వ్లాదిమిర్ పుతిన్' అనే పుస్తకం ప్రకారం..పుతిన్ తన బ్రేక్ ఫాస్ట్ లోకి కౌజు పిట్ట గుడ్లను క్రమం తప్పకుండా తీసుకుంటారు. పుతిన్ ఫిట్‌నెస్ మంత్రంగా మారిన ఈ కౌజు పిట్ట గుడ్లను సూపర్ ఫుడ్ అని ఎందుకు అంటారో ఇక్కడ చూడండి.

కౌజు పిట్ట గుడ్లే ఎందుకు?
చూడటానికి పరిమాణంలో చిన్నగా ఉన్నా పోషకాల విషయంలో ఇవి కోడి గుడ్ల కంటే చాలా రెట్లు శక్తివంతమైనవి. వీటిలో విటమిన్ బి12, విటమిన్ డి, ఐరన్, జింక్, ఒమేగా-3 ఫ్యాటీ యాసిడ్స్ పుష్కలంగా ఉంటాయి. అందుకే పోషకాహార నిపుణులు వీటిని సూపర్ ఫుడ్ గా అభివర్ణిస్తారు.

అద్భుత ఆరోగ్య ప్రయోజనాలు

నేటి కాలంలో ఇమ్యూనిటీ పెంచుకోవడం చాలా ముఖ్యం. కౌజు పిట్ట గుడ్లలో ఉండే యాంటీఆక్సిడెంట్లు, విటమిన్ బి12 శరీరాన్ని వ్యాధుల బారి నుండి రక్షించి, రోగనిరోధక వ్యవస్థను బలోపేతం చేస్తాయి.

పుతిన్ వంటి నాయకులకు ఏకాగ్రత చాలా అవసరం. కౌజు పిట్ట గుడ్లలో ఉండే ఒమేగా-3 ఫ్యాటీ యాసిడ్స్ మెదడు పనితీరును మెరుగుపరిచి, జ్ఞాపకశక్తిని, దృష్టిని పదునుపెడతాయి.

కోడి గుడ్లతో పోలిస్తే కౌజు పిట్ట గుడ్లలో చెడు కొలెస్ట్రాల్ తక్కువగానూ, మంచి కొలెస్ట్రాల్ ఎక్కువగానూ ఉంటుంది. ఇది గుండె ఆరోగ్యానికి మేలు చేస్తుంది.

జిమ్ చేసేవారికి, అథ్లెట్ల కు కౌజు పిట్ట గుడ్లు వరం లాంటివి. అధిక ప్రోటీన్ కండరాల పెరుగుదలకు, దెబ్బతిన్న కణజాలం బాగుపడటానికి సహాయపడుతుంది.

కౌజు పిట్ట గుడ్లలో సోడియం తక్కువగా, పొటాషియం ఎక్కువగా ఉండటం వల్ల రక్తపోటు అదుపులో ఉంటుంది.

చర్మం కాంతివంతంగా ఉండాలన్నా, జుట్టు ఒత్తుగా పెరగాలన్నా కౌజు పిట్ట గుడ్లలో ఉండే బయోటిన్, జింక్ అద్భుతంగా పనిచేస్తాయి. అందుకే పుతిన్ చర్మం అంత మెరుస్తూ ఉంటుంది.

ఎలా తినాలి? ఎంత తినాలి?
పిట్ట గుడ్లను ఉడికించి తినడం లేదా ఆమ్లెట్ రూపంలో తీసుకోవడం మంచిది. సలాడ్లలో కలుపుకుని కూడా తినవచ్చు. వీటిని ఉదయం బ్రేక్ ఫాస్ట్ లోకి లేదా ఎక్సర్ సైజ్ తర్వాత తీసుకోవడం ఉత్తమం.

పిల్లలు: రోజుకు 1-2 గుడ్లు.
పెద్దలు: రోజుకు 2-4 గుడ్లు.
జిమ్ చేసేవారు: 4-6 గుడ్లు.

జాగ్రత్తలు
గుడ్డు ప్రోటీన్ అలెర్జీ ఉన్నవారు వీటికి దూరంగా ఉండాలి. అలాగే అధిక కొలెస్ట్రాల్ సమస్య ఉన్నవారు డాక్టర్ సలహా మేరకు మాత్రమే తీసుకోవాలి. మార్కెట్లో కొనుగోలు చేసేటప్పుడు తాజా గుడ్లను మాత్రమే ఎంచుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.