పాలీ పిల్ తో గుండె జబ్బులు మటుమాయం!

Heart

oi-Nageswara Sharma

By B N Sharma

| Published: Wednesday, September 7, 2011, 11:17 [IST]

ప్రస్తుతం చాలామంది వివిధరకాల మందులు కల ఒకే ఒక పాలీపిల్ అనే కేప్సుల్ ను గుండె జబ్బులకు వాడుతున్నారు. ఈ వైద్యం చవక, సైడ్ ఎఫెక్ట్స్ అంటే పొట్టలో మంట లేదా దగ్గు మొదలైనవి రావటం లేదని తెలుస్తోంది. ఈ మందును వాడిన వారు తమ గుండె జబ్బులను, గుండె పోటును 80 శాతం తగ్గించుకున్నట్లు తెలుస్తోంది.

అయితే ఈ మెడిసిన్ రక్తపోటు, కొలెస్టరాల్ ప్రధానంగా తగ్గించటానికి గాను కేడిలా కంపెనీ మన దేశంలో ప్రవేశ పెట్టింది. గుండె జబ్బులకు, పోటును అరికట్టటానికిగాను కొద్దిపాటి ఆస్పిరిన్ కూడా దీనిలో వుంది. అత్యధిక గుండెజబ్బుల రోగులుకల భారతదేశానికి ఈ మెడిసిన్ ఒక పెద్ద వరంగా వచ్చింది. ఈ డ్రగ్ లో 75 ఎంజి ఆస్పిరిన్, రక్తపోటుకు సంబంధించి రెండు మందులు లిసినోప్రిల్ (10 ఎంజి),హైడ్రోక్లోరోధియజైడ్ (12.5 ఎంజి), కొలెస్టరాల్ తగ్గించటానికి ఉపయోగపడే మందు సింవాస్టాటిన్ వున్నట్లు తెలుస్తోంది.

గుండె జబ్బులేని వారు కూడా 55 సంవత్సరాలు పైబడితే ఈ మందును వాడి తగిన ఫలితాలను పొందవచ్చునని వైద్యులు చెపుతున్నారు. ధర అందరికి అందుబాటులో వున్నది. సురక్షితంగా పనిచేస్తుంది. దీర్ఘకాలం వాడినా నష్టం లేదని చెపుతున్నారు. ఈ పాలీ పిల్ ప్రపంచంలోని రక్తపోటు, కొల్లస్టరాల్, గుండె సంబంధిత వ్యాధులగలవారందరకు ఒక దివ్యమైన ఔషధమని పరిశోధకులు వెల్లడించారు.