మరణానికి ముహూర్తం!

By B N Sharma

Published: Wednesday, November 23, 2011, 16:40 [IST]

గుండెపోటు తీవ్రత, గుండెలోని ఎడమ జఠరిక పనితీరు రెండూ కూడా గుండెపోటు వచ్చే సమయంపై ఆధారపడి వుంటాయని సైంటిస్టులు కనిపెట్టారు. తెల్లవారు ఝామున 1 గంట నుండి 5 గంటల వరకు వచ్చే గుండెపోట్లు అధికంగా మరణానికి దోహదం చేస్తున్నాయట.

శరీరంలో ఎడ్రినాలిన్, నోరా ఎడ్రినాలిన్, కార్టిసోల్ వంటి హార్మోన్లు విడుదలచేసే నరాల వ్యవస్ధ తెల్లవారు ఝాములోనే ఉత్తేజితమవుతుందట. ఈ సమయంలో శరీరం నిద్రిస్తున్నా మైండ్ మెళుకువగా వుంటుందని, దీనిని ర్యాపిడ్ ఐ మూవ్ మెంట్ నిద్ర అని, కలలు కూడా ఇదే సమయంలో వస్తాయని, అయితే, విడుదలైన ఈ హార్మోన్లుగుండె కొట్టుకోవడాన్ని కష్టతరం చేస్తాయని, గుండెకు వెళ్ళే రక్తనాళాలకు అడ్డంకిని కలిగిస్తాయని, ఈ సమయంలో గుండె తనను తాను రక్షించుకోడం కష్టమవుతుందని, మిన్నియా పోలిస్ హార్ట్ ఇన్ స్టిట్యూట్ హృదయ నిపుణులు వెల్లడించారు. మరో విషయంగా ఈ సమయంలో గుండె నొప్పి వచ్చినప్పటికి రోగులు ఇసిజి తెల్లవారిన తర్వాత తీయిద్దాములే అనికూడా భావించటం జరుగుతుందని, అజీర్ణం, గ్యాస్ కారణంగా కూడా వచ్చిందని భావించి అశ్రద్ధ చేస్తారని వారు వివరించారు.

ఈ కారణాలుగా ఉదయం పూట వచ్చే గుండెపోట్లు ఖచ్చితంగా మరణాలకు దోవతీస్తున్నాయని సైంటిస్టు, స్టడీ నిర్వహించిన సీనియర్ ఆదర్, జే హెచ్ ట్రావర్స్ అభిప్రాయపడ్డారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.