మహిళలకు గుండె పోట్లు మరింత తీవ్రం?

Heart

oi-Nageswara

By B N Sharma

Published: Friday, April 27, 2012, 12:02 [IST]

గుండెపోటు వచ్చిందంటే....పురుషులకంటే కూడా మహిళలకు రెండు రెట్లు అధికంగా అవకాశాలు మరణించేందుకు వుంటాయని అదికూడా, వచ్చిన మొదటి నెలలోనే మరణిస్తారని వైద్యులు చెపుతారు. అయితే, అమెరికన్ మెడికల్ అసోసియేషన్ జర్నల్ లో ప్రచురించిన స్టడీ మేరకు చనిపోయే అవకాశాలు ఆడకి మగకి వేరుగా వుండవని గుండెపోటు తర్వాత వాటి ఫలితాలు బట్టి వుంటాయని ప్రచురించింది.

రెండు సంవత్సరాల క్రిందట ధెరిసా వోల్పే 40 సం. తీవ్రమైన గుండె పోటుతో బాధపడింది. కళ్ళు బైర్లు కమ్మటం, అలసట, ఛాతీలో నొప్పి వంటివి వున్నప్పటికి వాటితో ఆమె అజీర్ణంకు సంబంధించిన లక్షణాలుగా అందరూ భావించారట. తలతిరగటం, తేలికైపోవటం చేతులు బరువెక్కటం, బరువు తగ్గడం వంటివి లక్షణాలుగా తరచుగా కనబడేవట. వైద్యులు పరీక్షించి గుండె కొట్టుకునే రేటు అధికంకాదని అదంతా నీ అందోళన మాత్రమే అనేవారట. కాని ఒకసారి ఆమెను పరీక్షించిన కార్డియాలజిస్టు ఆమెను వెంటనే ప్రత్యేక హార్ట్ చికిత్సా కేంద్రానికి తరలించి ఆమె గుండెలోని ప్రధాన రక్తనాళాలు 90 శాతం వరకు గడ్డలతో బ్లాక్ అయినట్లు గుర్తించాడట.

అంతే వెంటనే చికిత్స చేసి ఆమె గుండె పోటు బారిన పడకుండా కాపాడాడు. కనుక మహిళలలో లక్షణాలు పైకి తేలికగా కనపడినప్పటికి వారికి లోలోపల వ్యాధి ముదిరి ఒకే పెట్టున తీవ్రంగా వచ్చి మరణాన్నిస్తుంది. 1993 నుండి 2006 ల మధ్య షుమారు 130,000 మంది ఆడ, మగ గుండె రోగులను స్టడీలో పరిశీలించారు. వారు చేసిన స్టడీలన్నిటిలోను గుండెపోటు వచ్చిన మొదటినెలలోనే మహిళలు 9.6 శాతంమంది చనిపోగా, పురుషులు మాత్రం 5.3 శాతంగా మాత్రమే మరణించారని వెల్లడైంది.

మహిళలకు పురుషులకంటే కూడా అధిక వయసులోనే గుండెపోట్లు వస్తాయట. మహిళలలో కూడా డయాబెటీస్, రక్తపోటు, గుండె విఫలత వంటివి అధికంగానే వున్నాయి. అయితే, మహిళలే గుండెపోట్లతో అధికంగాను, త్వరగాను చనిపోతున్నారనేది సరికాదని ఓహియో, క్లీవ్ లాండ్ లోని సెంటర్ ఫర్ ధ్రాంబోసిస్ మరియు వాస్కులర్ బయాలజీ డైరెక్టర్ డా. స్టీవెన్ నిస్సాన్ తెలిపారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.