గుండె ఆరోగ్యానికి ఆహారం - కొన్ని అపోహలు?

By B N Sharma

Published: Saturday, April 28, 2012, 11:08 [IST]

Diet For Healthy Heart- Some Misconcepts

చాక్లెట్ తింటే గుండెకు మంచిది, కాఫీ, రెడ్ వైన్ తాగితే గుండె ఆరోగ్యం బాగుంటుంది ...అనే వన్నీ తప్పు అని ఒక కొత్త అధ్యయనం తెలుపుతోంది. మరి గుండె ఆరోగ్యంగా వుండాలంటే ఏం తినాలి? ఏం తాగాలి? ప్రతిరోజూ చాలామంది తాగే టీ గుండెకు ఎంతో మేలు చేస్తుందని రీసెర్చర్లు చెపుతున్నారు. అదికూడా మీరు తాగే టీలో పాలు చాలా తక్కువగా కూడా వుండాలంటున్నారు.

చాక్లెట్ లు, కాఫీ, రెడ్ వైన్, మొదలైన వాటిలో ఆరోగ్యం చేకూర్చే యాంటీ ఆక్సిడెంట్లు వున్నప్పటికి, వాటివలన గుండెకు ఆరోగ్యం ఇచ్చే ప్రయోజనాలు ఏమీ లేవని ఆస్ట్రేలియన్ హార్ట్ ఫౌండేషన్ సంస్ధ తన స్టడీలో వెల్లడించింది. యాంటీ ఆక్సిడెంట్లు వున్న ఆహార పదార్ధాలు సంతులిత ఆమారంలో భాగంగా తీసుకోవచ్చని కాని గుండె సంబంధిత వ్యాధులు తగ్గాలంటే ఇవి తీసుకోవాలి అనేది సరికాదని ఈ రీసెర్చర్ వెల్లడించారు.

యాంటీ ఆక్సిడెంట్లు అధికంగా పొందాలంటే, మొక్కల సంబంధిత ఆహారాలు అధికంగా తీసుకోవాలని, తాజా పండ్లు, కూరగాయలు, కాయలు, ధాన్యాలు, విత్తనాలు, వంటివి ప్రతిరోజూ తీసుకోవలసినదిగా నిపుణులు చెపుతున్నారు. ఆరోగ్యకరమైన గుండె వుండాలంటే రోజులో కనీసం రెండు సార్లు పండ్లు, అయిదు సార్లు కూరగాయలు తీసుకోవాలని కూడా వీరు వెల్లడించారు.

రీసెర్చర్లు తాము కనిపెట్టిన అంశాలను వైద్యలకు, ఇతర ఆరోగ్య నిపుణులకు పంపుతున్నామని వీటితో ఇప్పటివరకు గుండె ఆరోగ్యంపై వ్యక్తులకుగల అపోహలు తొలగిపోతాయని, గుండె ఆరోగ్యం కొరకు ఏ ఆహారాలు తినాలి? ఏవి తినరాదనేది తమ పరిశోధనలు తేటతెల్లం చేస్తున్నాయని వీరు పేర్కొన్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.