చిన్న వయసుల గుండె జబ్బులు...!

Heart

oi-Nageswara

By B N Sharma

Published: Wednesday, June 27, 2012, 10:29 [IST]

నేటి రోజుల్లో గుండె సంబంధిత వ్యాధులు చిన్న వయసులలోనే వచ్చేస్తున్నాయి. ప్రత్యేకించి మహిళలు తమ హృదయాలతో ఆలోచిస్తారని కార్డియాలజిస్టులు చెపుతూంటారు. దీంతో వారికి ఒత్తిడి, నొప్పి వంటివి తప్పక వస్తూంటాయి. మరి అటువంటపుడు గుండె కొట్టుకోవడంలో కూడా తేడాలొచ్చేస్తాయి. 26 సంవత్సరాల వయసున్న వారు కూడా గుండె పోట్ల బారిన పడుతున్నారని వైద్యులు చెపుతున్నారు. మారుతున్న సమాజం దీనికి కారణమంటారు. మహిళలు గతంలో ఇంటిపనికి మాత్రమే అంటిపెట్టుకుని వుండే వారని, నేటిరోజుల్లో వారు వివిధ రకాల ఉద్యోగాలు, వ్యాపకాలు ఆచరిస్తున్నారని ప్రత్యేకించి గుండెపోట్లు, మెనోపాజ్ దశలోకి చేరుతున్న మహిళలను లక్ష్యం చేస్తున్నాయని వీరు వెల్లడించారు.

కుటుంబ చరిత్ర, ఒత్తిడి, కాలుష్యం, రక్తపోటు, డయాబెటీస్, కొల్లెస్టరాల్ వంటివి ప్రధానంగా చిన్నవయసు వారిలో గుండెపోట్లు కలిగిస్తున్నాయి. మహిళలు తప్పక తమ జీవన విధానం మార్చుకోవాలని వ్యాయామాలు, నియమిత ఆహారం, ధ్యానం వంటివి తప్పక చేయాలని, మెనోపాజ్ దశకు చేరుతున్నవారు, తప్పక సంబంధిత పరీక్షలు చేయించుకోవాలి. గుండెపోటు వచ్చే లక్షణాలు ఎలా? ఛాతీలో వస్తూ, పోతూ వుండే అసౌకర్యం. లేదా కొద్ది నిమిషాలుండి పోయేది. శరీర పైభాగంలో నొప్పి లేదా వీపు, మెడ, దవడ, పొట్ట, ఒక చేయి లేదా రెండు చేతులలోను నొప్పి లేదా అసౌకర్యం.ఛాతీ నొప్పి కలిగి లేదా నొప్పి లేకుండా శ్వాస మందగించటం, చెమటలు పట్టడం, వికారం, కొద్దిపాటి తలనొప్పి వంటివి గుండెపోటు వచ్చేటందుకు చిహ్నాలుగా కనపడతాయి.

చిన్న వయసులోనే గుండె పోటు లేదా గుండె సంబంధిత సమస్యలు రాకుండా వుండాలంటే, శరీరంలో కొవ్వు కణాల సంఖ్య తగ్గించుకోవాలి. ఊబకాయం ఏర్పడకుండా చూసుకోవాలి. అధిక బరువు గుండెకు చేటు తెనస్తుంది. శరీరం ఎత్తుకు తగిన బరువు వుంటే, జీవక్రియ నియంత్రణ సమర్ధవంతంగా వుంటుంది. జీవక్రియ సరిగా సాగాలంటే, ప్రతిరోజూ తగినంత రాత్రి నిద్ర పొందాలి.

మన శరీరంలోని రసాయనిక చర్యలన్ని సర్కాడియన్ రిధమ్ లేదా బయోలాజికల్ క్లాక్ పై ఆధారపడివుంటాయి. పగటి గంటలు, మెళకువ కొరకు, రాత్రి గంటలు నిద్రకొరకు తప్పక కేటాయించాలి. వీటిలో మార్పు చేసుకుంటే, శారీరక చర్యలకు ఆటంకం కలిగి మీలోని జీవప్రక్రియ సమతుల్యత కోల్పోతుంది. ఫలితంగా గుండె సంబంధిత సమస్యలు ఏర్పడతాయి. సాధారణంగా మానవులలో ఊబకాయం వంటి సమస్యలు జంక్ ఆహారం మరియు షుగర్లు, కొవ్వులు అధికంగా వుండే ఆహారాలు అధికంగా తీసుకున్నందు వలన వస్తాయి. మనం తీసుకునే బేకరీ ఆహారాలు, జంక్ ఫుడ్ వంటివి ఊబకాయం ఇవ్వటమే కాదు గుండె జబ్బులు కూడా తెప్పించి అనారోగ్యంపాలు చేస్తున్నాయని గ్రహించాలి. నేటి యువత ఆరోగ్యకరమైన ఆహారం తీసుకుంటే, వారికిపుట్టబోయే సంతతి కూడా ఆరోగ్యకరంగా వుంటుందని గ్రహించాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.