పొగతాగటం గుండెను ఎలా ప్రభావిస్తుంది?

Heart

oi-Nageswara

By B N Sharma

Published: Thursday, March 22, 2012, 13:01 [IST]

సిగరెట్ లోని లేదా పొగాకు లోని కార్బన్ మొనాక్సైడ్, రక్తం ఆక్సిజన్ ను రవాణా చేయకుండా చేస్తుంది. పొగతాగటం మొదలైన ఒక్క నిమిషంలో నాడి కొట్టుకోవడం పెరుగుతుంది. మొదటి 10 నిమిషాలలో నాడి కొట్టుకోవడం 30 శాతం వరకు పెరుగుతుంది. పొగ తాగటం రక్తపోటు అంటే బి.పి.ని కూడా అధికం చేస్తుంది. పొగతాగడం రక్తంలోని కొల్లెస్టరాల్ స్ధాయిలను పెంచుతుంది. మంచి కొల్లస్టరాల్ ను చెడు కొల్లెస్టరాల్ గా మారుస్తుంది. ఫిబ్రినోజన్ మరియు ప్లేట్ లెట్ ల ఉత్పత్తి స్ధాయిలను కూడా పొగతాగటం పెంచుతుంది.

పొగతాటం వలన వచ్చే సమస్యలలో ప్రధానమైనవి పరిశీలిస్తే, పొగతాగేవారు తాగని వారికంటే 3 రెట్లు గుండె జబ్బులు పొందే అవకాశం వుంది. ఈ అంశంపై 21 దేశాలలో చేసిన స్టడీలో 40 ఏళ్ళ వయసు వారికి 5 రెంట్లు వరకు గుండె జబ్బు పొందే ప్రమాదం వుందని తేలింది. లైట్ గా పొగతాగే వారైనప్పటికి వ్యాధులు తప్పవుట. పొగ తాగే వారే కాదు వారి పక్కనే వుండి దానిని పీల్చే వారికి సైతం గుండె సంబంధిత సమస్యలు వస్తాయి.

పొగతాగటం ఆపేస్తే వచ్చే ప్రయోజనాలు పరిశీలిస్తే, గుండె పోటు వచ్చే అవకాశాలు తక్కువ. ప్రత్యేకించి అధిక రక్తపోటు, అధిక కొల్లెస్టరాల్ స్ధాయి వున్నవారు, ఊబకాయం లేదా డయాబెటీస్ కలిగి వున్న వారు పొగ తాగటం మానేస్తే చక్కటి ప్రయోజనాలుంటాయి. పొగ తాగటం మానేసిన 5 సంవత్సరాలకల్లా వారు పొగ తాగని వారికిందే పరిగణించవచ్చు. గుండె పోటు వచ్చిన తర్వాత పొగతాగటం మానేస్తే అది మరల రాకుండా వుండే అవకాశాలు 50 శాతం వరకు ఉంటాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.