రాత్రి నిద్రా సమయం 7 నుండి 8 గంటలు మాత్రమే!

Heart

oi-Nageswara

By B N Sharma

Published: Tuesday, March 6, 2012, 16:58 [IST]

రోజుకు 7 గంటలకు తక్కువ సమయం నిద్రించేవారికి గుండె సంబంధిత వ్యాధులు వస్తాయని, ప్రస్తుతం ప్రపంచంలో అనేక దేశాలలో గుండె జబ్బుల మరణాలకు సరైన నిద్రలేకపోవటమేనని స్టడీలు చెపుతున్నాయి. వెస్ట్ వర్జినీయాలోని ఒక యూనివర్శిటీలో నిర్వహించిన పరిశోధనల మేరకు రీసెర్చర్లు రోజుకు అయిదు గంటలకంటే తక్కువ నిద్రించేవారు రెండు రెట్లు గుండె సంబంధిత వ్యాధులకు గురయ్యే అవకాశముందని కనుగొన్నారు.

అయితే రోజుకు తొమ్మిది గంటలకంటే అధికంగా నిద్రించేవారికి కూడా గుండె సంబంధిత సమస్యలు వస్తున్నాయని కూడా అమెరికాలో 2005 లో జరిగిన పరిశోధనలలో తేలింది. గుండె జబ్బుల బారిన పడుతున్న వారిలో 60 ఏళ్ళలోపువారు అధికంగా వున్నారని వీరు ప్రతి రాత్రి అయిదు కంటల కంటే తక్కువ నిద్రిస్తున్నారని 7 గంటలకంటే తక్కువ నిద్రించే వారి కంటే వీరికి మూడు రెట్లు గుండెజబ్బులు అధికంగా వచ్చే అవకాశముందని తెలిపారు.

నిద్ర సరిగా లేకుంటే, రక్తంలో గ్లూకోజ్ నియంత్రణ సరిలేక, ఇన్సులిన్ సెన్సిటివిటీ తగ్గిస్తుందని అది అధిక రక్తపోటుకు దారితీస్తుందని తెలిపారు. దీనితో రక్తనాళాలు గట్టిపడి గుండె వ్యాధులకు దోవతీస్తుందన్నారు. చివరగా అమెరికన్ అకాడమీ ఆఫ్ స్లీప్ మెడిసిన్ పెద్దలు ప్రతి రాత్రి షుమారుగా 7 నుండి 8 గంటల పాటు తప్పక నిద్రించాలని తెలిపింది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.