గుండెపోటు తెచ్చిపెట్టే పురుష జన్యువులు!

పురుషులకుగల వై క్రోమోజోము మాత్రమే పురుషుల్లో అధిక గుండెపోట్లకు కారణంగా బ్రిటీష్ హార్ట్ ఫౌండేషన్ నుండి డా. హెలెన్ విల్సన్ తెలిపారు. పోషకాహార లేమి, పొగతాగడం వంటి ప్రధాన కారణాలు కూడా పురుషులలో గుండె జబ్బులను కలిగిస్తున్నాయన్నారు. ఇటీవలే చేసిన రీసెర్చిలో ప్రతి అయిదుగురు పురుషులలోను కనీసం ఒక పురుష క్రోమోజోం గుండె జబ్బు కలిగించే రిస్క్ గా వుంది. ఇంతవరకు గుండెపై జరిగిన పరిశోధనలలో చాలామంది రీసెర్చర్లు గుండె జబ్బులలో వై క్రోమోజోం పాత్ర పరిశీలించలేదు.

డా. డేనియల్, జె రాడార్ లు నిర్వహించిన స్టడీలో మహిళలలోని ఎక్స్ క్రోమోజోం వారిని గుండె జబ్బులనుండి కాపాడుతోందని, అయితే, వై క్రోమోజోంను ఎక్స్ క్రోమోజోంతో బదలాయింపు చేయటం సాధ్యం కాదని తెలిపారు. గుండె జబ్బులకు కారణం ఏ రకమైన జన్యువులు వీటిని ఎలా మార్పు చేయవచ్చు అనే అంశంలో మెడికల్ సైంటిస్టులు ఇంకా పరిశోధన నిర్వహిస్తూనే వున్నారు. ఈ పరిశోధన పురుషులలో వచ్చే గుండె జబ్బులకు కొత్త రకం వైద్య విధానాలు కనుగొనడంలో కూడా సహకరిస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.