గుండె జబ్బులు - గర్భనిరోధక మాత్రలు?

Heart

oi-Nageswara

By B N Sharma

Published: Friday, May 25, 2012, 14:21 [IST]

సాధారణంగా గర్భ నిరోధక మాత్రలు వాడితే గుండె జబ్బులు వస్తాయనే భావన ప్రతివారిలోనూ వుంటుంది. ఈ గర్భ నిరోధక మాత్రలు ప్రవేశ పెట్టిన తొలిరోజులలో వాటి ఈస్టరోజన్ ప్రొజెస్టిరోన్ స్ధాయిలు చాలా అధికంగా వుండేవి. అధికంగా డోసేజి కల ఈ మాత్రలు గుండె సంబంధిత లేదా ఇతర అనారోగ్య సమస్యలు కలిగించేవి. నేటికి గర్భ నిరోధక మాత్రలు గర్భ నిరోధకతకు చాలా సమర్ధవంతంగా పనిచేస్తున్నాయి.

అయితే, నేడు ఆధునికంగా తయారయ్యే గర్భనిరోధక మాత్రలు గతంలో కంటే కూడా వైద్య పరంగా ఎంతో మెరుగైన రీతిలో తయారు చేస్తున్నారు. వీటివలన ఎటువంటి సైడ్ ఎఫెక్ట్ లేదా అనారోగ్య సమస్యలు రావటం లేదు. అయితే, వీటి ఉపయోగ విధానం ఖచ్చితంగా నిర్దేశించిన రీతిలో వుండాలి. గతంలో గల తక్కువ నాణ్యత కారణంగా ఇవి సరిగా పనిచేయటం లేదని లేదా సమస్యలు వస్తున్నాయని పేరు పడటంతో అదే పేరు ఇప్పటికి కొనసాగుతూ వస్తోంది.

నేడు తయారయ్యే గర్భనిరోధక మాత్రలు గతంలో వాటికంటే పది రెట్లు మెరుగుగా వున్నాయని చెపుతున్నారు. కనుక నేటి గర్భనిరోధక మాత్రల ఉపయోగం ఎంతో సురక్షితం. నేటికి కొన్ని గర్భ నిరోధక మాత్రలు కొద్దిపాటి రక్తపోటును కలిగించటం, కొల్లెస్టరాల్ ఏర్పరచటం వంటివి అంటే మంచి కొల్లెస్టరాల్ ను తగ్గించటం చేస్తున్నాయి. ఈ కారణంగా రక్తంలో గడ్డలు ఏర్పడుతున్నాయని కూడా పుకార్లుగా వున్నాయి. అయితే, నేటి వరకు ఈ నోటి మాత్రలు గుండె జబ్బులను కలిగిస్తున్నాయనేదానికి వైద్యపరంగా సరైన వివరణలు లేవు.

అయితే, గుండె సంబంధిత రిస్కులు తగ్గటానికిగాను రక్తపోటు వున్నవారు దానిని తగ్గించుకొని ఈ మాత్రల వాడకం మొదలుపెడితే మంచిదని చెప్పవచ్చు. అయితే, నేడు కొత్తగా వచ్చే కొన్ని గర్భ నిరోధక మాత్రలలో డ్రోస్పిరోనన్ అనే పదార్ధం వాస్తవంగా రక్తపోటును తగ్గించి మరిన్ని ఆరోగ్య ప్రయోజనాలను కూడా చేకూరుస్తోందని వైద్య సమాచారంగా వుంది. కనుక ఈ గర్భ నిరోధక మాత్రలు అవసరం మేరకు అతి తక్కువ డోస్ సిఫార్సు చేయదగినది. అయితే, వీటి ప్రభావం గుండె మీద వుండకుండా కూడా చూసుకోవాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.