అధికంగా నిద్రిస్తే గుండెకు హాని?

Heart

oi-Nageswara

By B N Sharma

Published: Wednesday, March 28, 2012, 11:54 [IST]

నిద్ర అధికమైనా లేక అతి తక్కువైనా, రెండూ కూడా గుండెకు హాని కలిగిస్తాయంటున్నారు రీసెర్చర్లు. రాత్రి వేళ ఆరు గంటలకంటే తక్కువ నిద్రించే వ్యక్తులు గుండెపోటు, గుండె సంబంధిత వ్యాధులు పొందే అవకాశాలున్నాయని చికాగో మెడికల్ స్కూల్ కార్డియాలజీ ప్రొఫెసర్ వెల్లడించారు. అంతేకాదు, రాత్రివేళ 8 గంటలకంటే అధికంగా నిద్రించే వ్యక్తులకు కూడా గుండె సంబంధిత సమస్యలు అంటే ఛాతీ నొప్పి, కరోనరీ ఆర్టరీ వ్యాధి, గుండెకు రక్తం ఆక్సిజన్ సరఫరాలు చేసే రక్తనాళాలు సన్నపడటం, వంటి సమస్యలు వస్తాయట.

గుండె ఆరోగ్యానికి నిద్ర సమయానికి ముడిపెట్టిన పరిశోధనలలో ఇది మొదటిది అని ఒకే సారి అయిదు రకాల గుండె సంబంధిత సమస్యలపై వీరు పరిశోధన చేశారని తెలిపారు. రీసెర్చర్లు షుమారు మూడు వేలమంది 45 సంవత్సరాల రోగులను పరిశీలించారు. గుండె ఆరోగ్యంపై నిద్ర ప్రభావం అధికంగా వుందని, అది ప్రాధాన్యత కలిగి వుందని తెలిపారు.

ప్రతి రాత్రి ఆరు నుండి ఎనిమిది గంటల నిద్ర పోతే దీర్ఘ కాలంలో గుండె జబ్బుల రిస్కు తక్కువగా వుండగలదని వీరు తెలిపారు. నిద్ర తగ్గితే అది నరాల వ్యవస్ధను అధిక చురుకు చేయటం, షుగర్ అధికం చేయటం, కార్టిసోన్ స్ధాయి పెంచటం, రక్తపోటుల ద్వారా గుండె కొట్టుకునే రేటు తగ్గించటం వంటి సమస్యలు కలిగిస్తుందన్నారు. ఎనిమిది గంటలకంటే అధికంగా నిద్రించేవారు ఛాతీ నొప్పిని తెలుపుతూ చికిత్స కోరుతున్నారని వీరి సంఖ్య ఆరు గంటల కంటే కూడా తక్కువ నిద్రించి నొప్పి వస్తోందని తెలిపే వారి సంఖ్యకంటే అధికంగా వుందన్నారు. పరిశోధనా ఫలితాలను అమెరికన్ కాలేజ్ ఆఫ్ కార్డియాలజీ 61 వ వార్షిక సైంటిఫిక్ సమావేశంలో సమర్పించారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.