పాశ్చత్య పోకడలకు దూరమైతేనే గుండె పదిలం...!

Heart

oi-Saraswathi

By Sindhu

Published: Tuesday, April 17, 2012, 10:51 [IST]

గుండె సంబంధిత రోగుల సంఖ్య నానాటికీ పెరిగిపోతోంది. ఇందులో యువతే ఎక్కుగా ఉండటం మరో దారుణమైన విషయం. గతంలో యాభై ఏళ్లు దాటితే గుండె నొప్పి గురించి ఆలోచించేవాళ్లు. ఇప్పుడు ఇరవై ఏళ్లు దాటిన వారిలోనూ ఇది కనిపిస్తోంది. జన్యులోపాల వల్ల చిన్నారుల్లోనూ గుండె జబ్బులు పెరుగుతున్నాయి. నానాటికీ పాశ్చత్య పోకడలను ఒంట బట్టించుకుంటూ శారీరక శ్రమకు దూరమవతుండటం వల్ల ఊబకాయం, మధుమేహం, హైబీపి వంటి రిస్కులు పెరిగి అవి గుండెపోటకు దారితీస్తున్నాయి. పొగతాగడం, ఫాస్ట్ ఫుడ్స్ ఎక్కువగా తినటం వంటివి గుండెపోటుకు అదనం. అయితే గుండెనొప్పి వచ్చే వరకు దాన్ని గుర్తించలేకపోతే ప్రాణాపాయం నుంచి తప్పించుకోవడం కష్టమే. ఎందుకంటే ఇది మిగతా రోగాలవలె కాదు. తీవ్రరూపం దాల్చిన తర్వాతే బయటపడుతుంది. కాబట్టి ఆ పరిస్థితుల్లో బయటపడటానికి చాలా తక్కవ అవకాశాలు ఉంటున్నాయి. అందుకే గుండె జబ్బును ముందుగానే పసిగట్టాలి. అలా గుండె లయ తప్పుతుందనే విషయాన్ని ముందే తెలుసుకొనేందుకు కొన్ని సూచనలు మీకోసం....

1. గుండెకు రక్తం అందించే రక్తనాళాల లోపల గోడలకు కొవ్వు పేరుకుపోయి రక్త ప్రసరణ తగ్గుతుంది. గుండెకండరానికి రక్తం సరఫరా తగ్గి నొప్పి మొదలవుతుంది. గుండె అసౌకర్యంగా ఉండి..నొప్పి క్రమేపి ఎడమ చేతికి, కొన్ని సార్లు కుడిచేతికి , గొంతు, దవడలు, నడుము, ఉదరం ఇలా వివిధ భాగాలకు విస్తరిస్తుంది.
2. వాంతులతో లేదా వాంతి కాకుండా అకస్మాత్తుగా వచ్చే తలనొప్పి.
2. ఉన్నట్టుండి ముఖంలో ఒక్కసారిగా నీరసం కనిపించడం. కాళ్లు, చేతుల్లో, ముఖ్యంగా ఛాతికి పక్కభాగాన అప్పటికప్పుడే నొప్పిగానూ, నీరసంగానూ అనిపించడం.
3. శ్వాస కష్టమవుతుంది. ఉన్నట్టుండి ఒక్కసారిగా అయోమయానికి గురికావటం, మాట్లాడంలో తికమక పడటం, అర్థం చేసుకోవడంలోనూ చిన్న విషయానికి కూడా అయోమయం పడటం.
4. ఉన్నట్టుండి కళ్లలో ఏదో ఒకటి లేదా రెండూ చూడలేకపోవటం, కళ్లు బైర్లు కమ్మినట్టుగా ఉండటం. శరీరమంతా చెమటలు పట్టడం జరుగుతుంది.
5. ఒక్కసారిగా నడవటానికి ఇబ్బంది పడటం, నిస్సత్తువగా, భరించలేనంత నీరసంగా అనిపించటం, నడిచే క్రమంలో తూలుతున్నట్లుగా ఉండటం, అడుగుతీసి వేసే క్రమంలో బ్యాలెన్స్ చేయలేకపోవటం వంటివి.

ఇవన్నీ గుండెనొప్పికి సూచనలే. ఎవరికైనా గుండెనొప్పి వచ్చినప్పుడు, అలాంటి వాతారవరణం కనిపించినప్పుడు మొదటి మూడు గంటలు సమయం చాలా కీలకమైనది. అందుకే వెంటనే దగ్గర్లో ఉన్న నిపుణుని దగ్గరకు తీసుకువెళ్లాలి. ఇవీ గుండె లయను వినడానికి, దాని ఆరోగ్యం విషయంలో జాగ్రత్త పడటానికి పరిశీలించు కోవాల్సిన విషయాలు. వీటిని పట్టించుకుంటే మీ గుండెను భద్రంగా పట్టుకున్నట్లే. సంబంధిత వైద్యుని కలిసి సరైన కారణాలు తెలుసుకోనిదే ఇలాంటి లక్షణాలను ఊరికే అశ్రద్దచేయకూడదు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.