చికెన్ పాడైపోయిందని గుర్తించడం ఎలా? ఎక్స్ పైర్డ్ చికెన్ తింటే ఏమవుతుందో చూడండి

మనదేశంలో కల్తీకి కాదేది అనర్హం. తినే ఫుడ్ దగ్గర నుంచి కట్టుకునే బట్ట వరకు అన్నింటిలో కల్తీ ఉంటుంది. అయితే ఆహార భద్రత, పరిశుభ్రత విషయంలో చాలా జాగ్రత్తగా ఉండటం ముఖ్యం. సాధారణంగా రెస్టారెంట్లలో ఆహార భద్రతా ప్రమాణాలు పాటిస్తారు..కానీ కొన్ని సందర్భాలలో ముఖ్యంగా నాన్ వెజ్ తినేవారికి బయట తినడం సురక్షితమా అనే ప్రశ్న తలెత్తుతుంది. ముఖ్యంగా చికెన్ వంటి నాన్ వెజ్ ఐటమ్స్ విషయంలో ఎక్స్ పైరీ అయిన ఆహారం ఆరోగ్యానికి ప్రమాదకరం.

జాతీయ కుటుంబ ఆరోగ్య సర్వే (2019-21) ప్రకారం భారతదేశంలో ఒక వారంలో 57.3% మంది పురుషులు,5.1% మంది మహిళలు చికెన్ లేదా ఇతర నాన్ వెజ్ వంటకాలు తింటారు. చికెన్‌ ను రిఫ్రిజిరేటర్‌లో 1-2 రోజులు ఫ్రీజర్‌లో 6-12 నెలలు నిల్వ చేయవచ్చు. కాలం చెల్లిన లేదా పాడైపోయిన లేదా చికెన్ తినడం వల్ల ఫుడ్ పాయిజనింగ్, బ్యాక్టీరియల్ ఇన్ఫెక్షన్, కడుపు సంబంధిత సమస్యలు వస్తాయి.

చికెన్ ఎంతకాలం తాజాగా ఉంటుంది?
యునైటెడ్ స్టేట్స్ డిపార్ట్‌మెంట్ ఆఫ్ అగ్రికల్చర్ ప్రకారం, ముడి చికెన్‌ను 1-2 రోజులు రిఫ్రిజిరేటర్‌లో నిల్వ చేయవచ్చు, అయితే ఉడికించిన చికెన్ 3-4 రోజులు నిల్వ చేయబడుతుంది. దీన్ని రిఫ్రిజిరేటర్‌లో ఉంచడం వల్ల బ్యాక్టీరియా వృద్ధి మందగిస్తుంది, చికెన్ సురక్షితంగా ఉంటుంది.

చికెన్ చెడిపోయినప్పుడు ఈ సంకేతాలు కనిపిస్తాయి
చికెన్ చెడిపోయినట్లయితే మీరు దాని రంగు, వాసన,ఆకృతి, రుచిలో తేడాలను గమనించవచ్చు. అటువంటి లక్షణాలతో ఉన్న చికెన్ తినడం మానుకోవాలి, ఎందుకంటే ఇది ఆరోగ్యానికి ప్రమాదకరం.

పాడైపోయిన చికెన్ తినడం వల్ల కలిగే నష్టాలు
గడువు ముగిసిన చికెన్ తినడం వల్ల కలిగే అత్యంత సాధారణ సమస్య ఫుడ్ పాయిజనింగ్. ఇది సాల్మోనెల్లా, లిస్టెరియా వంటి బ్యాక్టీరియా వల్ల వస్తుంది. దీనివల్ల విరేచనాలు, వాంతులు, జ్వరం, కడుపు నొప్పి, డీహైడ్రేషన్ వంటి సమస్యలు వస్తాయి.

రోగనిరోధక వ్యవస్థపై ప్రభావం
పాడైపోయిన చికెన్ తినడం రోగనిరోధక వ్యవస్థను కూడా ప్రభావితం చేస్తుంది, ఎందుకంటే శరీరం బ్యాక్టీరియాకు వ్యతిరేకంగా కష్టపడి పనిచేయవలసి ఉంటుంది, ఇది రోగనిరోధక శక్తిని బలహీనపరుస్తుంది.
మూత్రపిండాలు,కాలేయంపై ప్రభావం
గడువు ముగిసిన చికెన్‌లోని టాక్సిన్స్ మూత్రపిండాలు, కాలేయంపై ఒత్తిడి తెచ్చి, వాటి పనితీరును ప్రభావితం చేస్తాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.