ఋతుస్రావం సమయంలో కనిపించే ఈ లక్షణాలే మీ ఆరోగ్యం ఎలా ఉందో చెబుతుంది..!

ఋతుస్రావం అనేది స్త్రీలకు అత్యంత దుర్భరమైన కాలం. ఎందుకంటే రుతుక్రమం స్త్రీలకు అనేక అసౌకర్యాలను కలిగిస్తుంది. పలువురిలో తీవ్రమైన నొప్పితో పాటు విపరీతమైన చికాకును కల్గిస్తుంటుంది. దాదాపుగా రుతుస్రావం లక్షణాలు 5 లేదా ఆరు రోజుల పాటు కనిపిస్తాయి. అయితే ఈ విషయంలో ప్రతి స్త్రీ యొక్క కాల వ్యవధి భిన్నంగా ఉంటుంది.

దాదాపుగా అందరిలోనూ సగటున ప్రతి 28 రోజులకు ఒకసారి రుతుస్రావం జరుగుతుంటుంది. 90 శాతం కంటే ఎక్కువ మందికి రెగ్యులర్ గా పీరియడ్స్ వస్తూ ఎలాంటి ఇబ్బందిని ఎదుర్కోరు. కానీ మరికొంత మందిలో పీరియడ్స్ ఎప్పుడో ఓసారి వస్తూ అనేక ఇబ్బందులను కూడా వెంట తీసుకొస్తుంటాయి. మనిషి, మనిషికి ఈ లక్షణాలు మారుతూ ఉంటాయి. కానీ ప్రతీ నెల మీ శరరీంలో కల్గే మార్పులే మీ ఆరోగ్యం ఎలా ఉందో చెబుతుంది. ముఖ్యంగా ప్రతీ నెలా వచ్చే పీరియడ్స్ లో కనిపించే లక్షణాలు స్త్రీల ఆరోగ్యం ఎలా ఉందో వివరిస్తుంది.

ప్రతి 26-35 రోజులకు ఋతుస్రావం..
సాధారణంగా ఎలాంటి మహిళలు, స్త్రీలలో అయినా ఋతు చక్రం 26-35 రోజుల మధ్య ఉండాలి. అలాగే ప్రతి నెలా అదే పొడవు ఉండాలి. చక్రం యొక్క మొత్తం పొడవు మీ పీరియడ్స్ మొదటి రోజు నుండి మీ తదుపరి పీరియడ్స్ ముందు రోజు వరకు లెక్కించబడుతుంది. 5 రోజుల కంటే ఎక్కువ లేదా తక్కువగాగా బ్లీడింగ్ అయినా, 26 నుంచి 35 రోజులకు మించి పీరియడ్స్ సక్రమంగా రాకపోయినా మీలో హార్మోన్ల అసమతుల్యత ఉందని లెక్క.

నొప్పి లేని ఋతుస్రావం
ఆరోగ్యకరమైన ఋతు చక్రం నొప్పిలేకుండా ఉండాలి. పొత్తి కడుపులో అసౌకర్యం, శరీర భాగాల్లో తిమ్మిర్లు వంటివి వస్తే మీలో హార్మోనల్ సమస్యలు ఉన్నట్లు గుర్తించాలి.

బహిష్టు రోజుల్లో మాత్రమే రక్తస్రావం
ఆరోగ్యవంతమైన స్త్రీలో నెలసరి సమయంలో 3 నుంచి 7 రోజుల వరకు మాత్రమే రక్తస్రావం అవుతుంది. రెండు రోజుల తేలికపాటి రక్తస్రావంతో ప్రారంభం అవుతుంది. ఏడు రోజుల తర్వాత కూడా భారీగా రక్తస్రావం అయినా లేదా తక్కువగా రక్తస్రావం అయినా ప్రొజెస్టిరాన్, ఇనుము, ఇతర పోషకాహార లోపాలను ఉన్నట్లే.

రక్తస్రావం సాధారణంగా ఎరుపు రంగులో ఉండాలి..!
గర్భాశయానికి తగినంత రక్త ప్రసరణ ఉన్నప్పుడు.. గడ్డకట్టడం లేదా శ్లేష్మం లేకుండా ఎరుపు రంగులో ఉండే ఋతు రక్తస్రావం జరుగుతుంది. ముదురు ఊదా లేదా గోధుమ రంగులో రక్తం, అలాగే గడ్డకట్టడం వంటివి జరిగితే గర్భాశయానికి సరైన మోతాదులో రక్తప్రసరణ జరగడం లేదని తెలుసుకోవాలి. దీని వల్ల అనేక రకాల సమస్యలు వస్తుంటాయి.

బహిష్టు సమయంలో టెన్షన్ ఉండకూడదు..!
మీ పీరియడ్స్ ప్రీమెన్స్ట్రువల్ టెన్షన్ లేకుండా ప్రారంభమైతే.. మీ హార్మోన్లు ఆరోగ్యంగా ఉన్నాయని అర్థం. చాలా మంది మహిళల్లో రొమ్ముల్లో నొప్పి, తలనొప్పి, ఆకలి, ఉబ్బరం, ప్రేగులలో మార్పులు.. అలాగే మెంటల్ గా భావోద్వేగ సమస్యలు వస్తుంటాయి. మీ ఋతు చక్రం మీ మొత్తం ఆరోగ్యానికి ప్రత్యక్ష సూచన కాబట్టి మీ శరీరాన్ని తనిఖీ చేయడానికి సమయాన్ని వెచ్చించడం చాలా ముఖ్యం. మీ చక్రాలను మరియు మీరు అనుభవించే ఏవైనా లక్షణాలను నిశితంగా గమనించండి. సమస్య ఉన్నట్లు అనిపిస్తే వెంటనే వైద్యుడిని సంప్రదించండి.

Disclaimer: ఇంటర్నెట్‌లో అందుబాటులో ఉన్న సమాచారం ఆధారంగా ఈ వ్యాసాన్ని రాయడం జరిగింది. కచ్చితత్వానికి, విశ్వసనీయతకు ఎలాంటి హామీ ఇవ్వడం లేదు. Boldsky Telugu ఈ వ్యాసానికి సంబంధించిన ఏ విషయాన్నీ నిర్ధారించడంలేదు. ఈ వ్యాసం ఉద్దేశం సమాచారం అందించడం మాత్రమే. ఏదైనా పాటించే ముందు సంబంధిత నిపుణుల సలహా తీసుకోగలరు.