పీరియడ్ టైంలో నొప్పితో నరకమా? ఈ పవర్ ఫుల్ మంత్రం చదివితే నొప్పి మాయం!

బుతుస్రావం..ఈ పదం వింటేనే కొంతమంది మహిళలకు కళ్ల ముందు నరకం కనబడతుంది. ప్రతి నెలా పీరియడ్స్ కారణంగా భరించలేని నొప్పిని అనుభవిస్తుంటారు చాలామంది మహిళలు. నెలసరి సమయాన్ని యుద్ధంగా భావిస్తుంటారు. పొత్తి కడుపులో లాగేసే తిమ్మిరి, చెప్పలేని అలసట, అకారణంగా వచ్చే కోపం, అనూహ్యమైన భావోద్వేగాల అలజడి ఆ సమయంలో మహిళల్లో ఉంటాయి. అయితే పీరియడ్స్ అనేది కేవలం ఒక జీవసంబంధమైన ప్రక్రియ మాత్రమే కాదు, అది స్త్రీ శరీరం, మనసుపై తీవ్రమైన ప్రభావాన్ని చూపే ఒక శక్తివంతమైన చక్రం.

పీరియడ్ పెయిన్ కి నివారణ మందులు, హీటింగ్ ప్యాడ్‌ లు, ఆహార నియమాల వంటి పరిష్కారాలపై ప్రస్తుతం చాలామంది మహిలు ఆధారపడతున్నారు. ఇవి తాత్కాలిక ఉపశమనాన్ని ఇవ్వగలవు కానీ ఈ సమస్య మూలాల్లోకి వెళ్లి, శాశ్వతమైన సాంత్వనను అందించే ఒక పురాతన ఆధ్యాత్మిక రహస్యం ఉందని మీకు తెలుసా? అదే కామాఖ్య మంత్రం. ఋతుస్రావం, సంతానోత్పత్తి,సృష్టికి అధిదేవత అయిన కామాఖ్య దేవికి అంకితం చేయబడిన ఒక దివ్యమైన మంత్రం. ఇది కేవలం మంత్రం కాదు, మీలోని స్త్రీ శక్తిని మేల్కొలిపి, మీ శరీరాన్ని స్వస్థపరిచే ఒక పవిత్రమైన సాధనం.

సృష్టికే మూలం
ఈశాన్య రాష్ట్రమైన అసోంలోని గౌహతి నగర శివార్లలో నీలాచల పర్వతాల మీద కామాఖ్య దేవి ఆలయం ఉంది. శక్తి పీఠాలన్నింటిలోకెళ్లా అత్యంత శక్తివంతమైనది కామాఖ్య ఆలయం. ఇక్కడ కొలువైన కామాఖ్య దేవి కోరిక, సంతానోత్పత్తి, ఋతుచక్రానికి అధిదేవత. ఈ ఆలయాన్ని మిగతా వాటికంటే ప్రత్యేకంగా నిలిపేది అక్కడి అమ్మవారి స్వరూపం. ఇక్కడ విగ్రహం ఉండదు. జీవంతో తొణికిసలాడే ఒక శిలారూప యోని (గర్భం) నుండి నిరంతరం ఊరే జలధారను భక్తులు పూజిస్తారు. ఇది సృష్టికే మూలమైన స్వచ్ఛమైన స్త్రీ శక్తికి ప్రతీక.

ప్రతి సంవత్సరం ఇక్కడ జరిగే అంబుబాచి మేళా ఒక అద్భుతం. ఈ సమయంలో సాక్షాత్తూ దేవత రజస్వల అవుతుందని, భూమి సృజనాత్మక శక్తితో నిండిపోతుందని నమ్ముతారు. అందుకే శతాబ్దాలుగా, ఋతుక్రమ సమస్యలు, గర్భాశయ ఆరోగ్య సమస్యలు, వంధ్యత్వం, అణచివేయబడిన సృజనాత్మక శక్తితో బాధపడే మహిళలు స్వస్థత కోసం కామాఖ్య దేవిని ఆశ్రయిస్తున్నారు.

కామాఖ్య మంత్రం
ఆధ్యాత్మిక వేత్తల ప్రకారం కామాఖ్య బీజ మంత్రం లేదా గాయత్రి మంత్రాన్ని శ్రద్ధతో జపిస్తే అది మీ శక్తి క్షేత్రంలో అద్భుతమైన మార్పులను తీసుకువస్తుంది.

స్వాధిష్ఠాన చక్ర సమతుల్యం: ఇది మన పొత్తి కడుపులో ఉండే శక్తి కేంద్రం. పునరుత్పత్తి వ్యవస్థ, భావోద్వేగాలు, సృజనాత్మకత దీని ఆధీనంలో ఉంటాయి. మంత్ర జపం ఈ చక్రాన్ని శుభ్రపరిచి, సమతుల్యం చేస్తుంది.

ఋతుచక్ర నియంత్రణ: క్రమం తప్పిన ఋతుచక్రాలను సరిదిద్దుతుంది, నెలసరిని మరింత ఊహించగలిగేలా చేస్తుంది.

నొప్పి నుండి ఉపశమనం: నెలసరి నొప్పి, వెన్నునొప్పి, PMS (ప్రీమెన్‌స్ట్రువల్ సిండ్రోమ్) లక్షణాల తీవ్రతను తగ్గిస్తుంది.

మానసిక ప్రశాంతత: నాడీ వ్యవస్థను శాంతపరిచి, హార్మోన్ల మార్పుల వల్ల కలిగే మానసిక కల్లోలాలను, ఆందోళనను తగ్గిస్తుంది.

శారీరక స్వస్థత: PCOS, ఫైబ్రాయిడ్లు లేదా ఇతర గర్భాశయ రుగ్మతల నుండి కోలుకోవడంలో సహాయపడుతుంది.

అంతర్గత అనుసంధానం: మీ శరీరంతో ముఖ్యంగా మీ గర్భాశయంతో ఒక పవిత్రమైన బంధాన్ని ఏర్పరుస్తుంది.

ఋతుచక్ర సమస్యల నివారణకు శక్తివంతమైన కామాఖ్య బీజ మంత్రం

'ఓంఐం హ్రీం కామాఖ్యాయై నమః'(Om Aim Hreem Kamakhyayai Namah)

జపించే విధానం

ఉదయం స్నానం చేసిన తర్వాత లేదా సాయంత్రం ప్రశాంతంగా ఉన్నప్పుడు శుభ్రమైన ప్రదేశంలో తూర్పు ముఖంగా కూర్చోండి. ఒక దీపం లేదా అగరుబత్తిని వెలిగించి ఆధ్యాత్మిక వాతావరణాన్ని సృష్టించుకోండి. ఇది మీ మనస్సును ఏకాగ్రత వైపు నడిపిస్తుంది. మీ ఋతుచక్రం ప్రారంభమయ్యే ముందు లేదా చక్రం సమయంలో 11 లేదా 21 రోజుల పాటు ఈ మంత్రాన్ని ప్రతిరోజూ 108 సార్లు (ఒక మాల) జపించండి. జపించేటప్పుడు మీ పూర్తి దృష్టిని మీ పొత్తి కడుపుపై కేంద్రీకరించండి. మీ గర్భాశయాన్ని ప్రకాశవంతమైన, వెచ్చని నారింజ రంగు కాంతి శుభ్రపరుస్తున్నట్లు, నొప్పిని కరిగిస్తున్నట్లు, స్వస్థతను నింపుతున్నట్లు బలంగా దృశ్యమానం చేసుకోండి.

ఆధ్యాత్మికతకు అండగా నిలుస్తున్న విజ్ఞానం
మంత్ర జపం ప్రభావంపై ప్రత్యక్ష వైద్య పరిశోధనలు ఇంకా ప్రారంభ దశలోనే ఉన్నప్పటికీ ధ్యానం, మంత్రోచ్ఛారణకు సంబంధించిన అధ్యయనాలు ఆసక్తికరమైన విషయాలను వెల్లడిస్తున్నాయి. మంత్ర జపం మెదడులో రిలాక్సేషన్ రెస్పాన్స్ ను ప్రేరేపిస్తుంది, ఇది ఒత్తిడి హార్మోన్ లెవల్స్ ని తగ్గిస్తుంది. మంత్రం కంపనాలు పారాసింపథెటిక్ నాడీ వ్యవస్థను ఉత్తేజపరుస్తాయి, ఇది శరీరానికి విశ్రాంతినిచ్చి, తిమ్మిరి,మానసిక కల్లోలాలను తగ్గిస్తుంది. కటి ప్రాంతంపై దృష్టి పెట్టడం వల్ల ఆ అవయవాలకు రక్త ప్రసరణ మెరుగవుతుంది, మైండ్-బాడీ కనెక్షన్ బలపడుతుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.