అధిక రక్తపోటు నివారణకు 10 హెర్బల్ రెమిడీస్

వెల్లుల్లి - రక్త పోటు స్వల్పంగా పెరిగిన రోగులకి వెల్లుల్లి చక్కగా పని చేస్తుంది. వెల్లుల్లిలో ఉన్న అల్లిసిన్ నైట్రిక్ ఆక్సైడ్ ఉత్పత్తిని పెంచడం ద్వారా ధమనుల కండరాలు విశ్రాంతి పొందేందుకు తోడ్పడుతుంది. అందువల్ల, డయాస్టోలిక్ మరియు సిస్టోలిక్ రక్త పోటులని తగ్గిస్తుంది.

కర్పూరవల్లి - కోలాస్ ఫొర్స్కొహ్లీ అనేది కర్పూరవల్లి మొక్క దక్షిణ భారత దేశంలోని ఎన్నో ఇళ్ళల్లో పెరడు మొక్కలాగ పెరిగేది. ధమనుల కండరాలను రిలాక్స్ చేసి తద్వార రక్త పోటుని తగ్గించేందుకు కర్పూవల్లి సహాయ పడుతుందని పరిశోధనలు చెబుతున్నాయి. నాడీని తగ్గించి హార్ట్ బీట్ ని దృఢపరచడానికి కూడా ఉపయోగపడుతుంది.

ములక్కాడ - హిందీ లో సాహజాన్ అని, తెలుగులో ములక్కాడలని పిలుస్తారు. అధికమైన పోషక విలువలు, విటమిన్లు, మినరల్స్ ములక్కాడ లో లభ్యమవుతాయి. సిస్టోలిక్ అలాగే డయాస్టోలిక్ రక్త పోటుని నియంత్రించడంలో మునగ ఆకు ప్రధాన పాత్ర పోషిస్తుంది. ఈ లాభాన్ని పొందడానికి ములక్కాడలని కాయధాన్యాలతో గాని లేదా పప్పుతో గాని కలిపి వండాలి.

ఉసిరి - ఉసిరిలోని ఉన్న గుణం రక్త పోటుని తగ్గించడంలో ఉపయోగపడుతుంది. ఉసిరిలో ఉన్నసి విటమిన్ రక్త నాళాలని వెడల్పు చెయ్యడంలో తోడ్పడుతుంది. తద్వారా రక్త పోటుని తగ్గిస్తుండి. మార్కెట్ లో అందుబాటులో ఉన్న త్రిఫల కలయికలో ఒక భాగం ఉసిరి.

ముల్లంగి - భారతీయ వంటశాలలో సాధారణంగా అందుబాటులో ఉండే కూరగాయ ముల్లంగి. రక్త పోటుకి వ్యతిరేకంగా పోరాడే శక్తి ముల్లంగికి ఉంది. ముల్లంగిలో అధికంగా ఉండే పొటాసియం అనే మినరలే దీనికి కారణం. సోడియం ఎక్కువున్న ఆహారం వల్ల కలిగే రక్త పోటుని నియంత్రించడంలో ముల్లంగి తోడ్పడుతుంది.

నువ్వులు - బియ్యపు పొట్టు నూనెతో కలిపిన నువ్వుల నూనె అధిక రక్త పోటు కలిగిన రోగులకి రక్త పోటుని తగ్గించడంలో కేవలం యాంటి హైపర్టెన్షన్ ఔషదాల కంటే ఎక్కువగా సత్ఫలితాలు చూపెడతాయని ఇటీవలి అధ్యయనాలలో తేలింది.

అవిసె గింజ లేదా అల్సి ఫ్లాక్ష్ సీడ్ లేదా లిన్సీడ్ లో ఒమేగా - 3 ఫాటీ ఆసిడ్స్ లో ఒకటైన ఆల్ఫా లినోలెనిక్ పుష్కలంగా ఉంటుంది. అధిక రక్త పోటుతో బాధ పడే రోగులు ఈ అవిసె గింజలను తమ ఆహారం లో భాగం గా చేసుకున్నప్పటినుండి వారి కొవ్వు శాతం తగ్గి మరియు రక్త పోటు తగ్గడం ప్రారంభమయిందని ఎన్నో అధ్యనాలలో తెలిసింది.

యాలకులు - ఇండియన్ జర్నల్ ఆఫ్ బయో కెమిస్ట్రీ అండ్ బయో ఫిజిక్స్ లో ప్రచురితమైన అధ్యయనం ప్రకారం, మౌలిక హైపర్ టెన్షన్ డయాగ్నోసిస్ లో భాగంగా, 20 మంది రోగులకి మూడు గ్రాముల ఏలకుల పొడి ని ఇచ్చారు. మూడు నెలల కాలపరిమితి తరువాత, ఎటువంటి సైడ్ ఎఫెక్ట్స్ లేకుండా ఈ రోగులందరూ సంతోషంగా ఉన్నట్టు తమ అనుభవాలని వ్యక్తపరిచారు. అంతే కాకుండా, వారిలో రక్త పోటు గణనీయంగా తగ్గినట్టు నిరూపితమైంది. బ్లడ్ లిపిడ్స్ ని అలాగే ఫిబ్రినోగెన్ స్థాయిలని మార్చకుండా రక్తం గడ్డ కట్టడాన్ని విడగొట్టడం లో యాంటి ఆక్సిడంట్ స్థాయిలని మెరుగుపరచడంలో ఏలకులు ప్రధాన పాత్ర పోషిస్తాయి.

ఉల్లిపాయలు - గుండె జబ్బులు, స్ట్రోక్ ని ఉల్లిపాయలో ఉండే క్వెర్సెటిన్ అనే యాంటి ఆక్సిడంట్ ఫ్లవొనల్ అరికట్టడం లో తోడ్పడుతుందని అధ్యయనాలు తెలుపుతున్నాయి.

దాల్చిన చెక్క - గుండె జబ్బుని అరికట్టడంలోనే కాదు, మధుమేహం వ్యాధిని నియంత్రించడంలో కూడా దాల్చిన చెక్క ప్రధాన పాత్ర పోషిస్తుంది. ఒహియో లో ఉన్న ది సెంటర్ ఫర్ అప్లైడ్ హెల్త్ సైన్సెస్ 22 సబ్జెక్ట్స్(రోగులు) పైన అధ్యయనం చేసారు. ఆ అధ్యయనంలో భాగంగా అందులో సగం మందికి ప్రతి రోజు నీటిలో కరిగిపోగల 250 ఎం జి ల దాల్చిన చెక్కని అందించగా మిగతా సగం మందికి ప్లసేబో(ప్రభావం లేని మందు) ని అందించారు. దాల్చిన చెక్కని సేవించిన వారిలో 13 నుండి 23 శాతం వరకు రక్త పోటుని నియంత్రించగలిగే యాంటి ఆక్సిడంట్లు పెరిగినట్టు గమనించారు.