చలికాలంలో ..టాన్సిల్స్ కు ఫాస్ట్ రిలీఫ్ ను కలిగించే 10 ఎఫెక్టివ్ రెమెడీస్ ..!!

ఉప్పు నీటితో గార్గిలింగ్ :

టాన్సిలైటీస్‌ లక్షణాలు మీరు గుర్తించిన వెంటనే మీరు మౌత్ వాష్ తో పాటు, గార్గిలింగ్ చేయడం చాలా అవసరం. అందుకు గోరువెచ్చని నీటిలో ఉప్పు మిక్స్ చేసి , నోట్లో పోసుకొని గార్గిల్ చేయాలి. ఇలా రెగ్యులర్ గా చేసినప్పుడు బ్యాక్టీరియా నాశనం చేయబడి, టాన్సిలైటీస్‌ నివారించుకోవచ్చు.

నిమ్మరసం :

టాన్సిల్స్ వాపుతో బాధపడుతున్నప్పుడు విటమిన్ సి పుష్కలంగా ఉండే పదార్థాలకు దూరంగా ఉండాలి. కానీ.. విటమిన్ సి లభించే నిమ్మరసం మాత్రం టాన్సిల్స్ సమస్యకు చక్కటి ఔషధంలా పనిచేస్తుంది. ఇందులో ఉండే యాంటీ బ్యాక్టీరియల్, యాంటీ వైరల్ గుణాలు.. చక్కగా పనిచేస్తాయి. గోరువెచ్చని నీటిలో ఒక నిమ్మకాయ రసం తీసి, చిటికెడు ఉప్పు, చెంచా తేనె కలిపి ఉదయం, సాయంత్రం తీసుకోవాలి. ఇలా చేయడం వల్ల టాన్సిల్ తగ్గడంతో పాటు, ఇతర ఇన్ఫెక్షన్స్ ను నివారించుకోవచ్చు.

పసుపు:

పసుపు నేచురల్ యాంటీసెప్టిక్ గా పనిచేస్తుంది. ఇందులో ఉండే యాంటీఇన్ఫ్లమేటరీ లక్షణాలు గొంతులో ఇన్ఫెక్షన్, టాన్సిల్స్ నివారించడానికి సహాయపడుతుంది. గోరెవెచ్చని నీళ్లలో చిటికెడు పసుపు మిక్స్ చేసి, ఆనీటిని నోట్లో పోసుకుని, గార్గిలింగ్ చేయాలి. ఉదయం మరియు నిద్రించడానికి ముందు ఇలా చేస్తే మంచి ఫలితం ఉంటుంది. అలాగే గ్లాసు వేడి పాలలో చిటికెడు పసుపు మిక్స్ చేసి రాత్రినిద్రించడానికి ముందు తాగాలి. ఇలా రోజుకు రెండు మూడు సార్లు చేస్తే మంచి ఫలితం ఉంటుంది.

తులసి:

మరో నేచురల్ రెమెడీ తులసి,ఇందులో ఉండే యాంటీ వైరల్, యాంటీ ఇన్ఫ్లమేటరీ లక్షణాలు గొంతు నొప్పి, గొంతు వాపు తగ్గిస్తుంది. టాన్సిల్స్ నుండి త్వరగా కోలుకోవడానికి సహాయపడుతుంది. నీళ్ళలో 10 తులిసి ఆకులు వేసి 10 నిముషాలు ఉడికించి, వడగట్టి, అందులో తేనె, నిమ్మరసం మిక్స్ చేసి తాగాలి.

దాల్చిన చెక్క పౌడర్ :

దాల్చిన చెక్క టాన్సిల్స్ కు కారణం అయ్యే బ్యాక్టీరియాను గ్రహిస్తుంది. అదే విధంగా గొంతు నొప్పి, వాపును తగ్గిస్తుంది.టాన్సిల్స్ కు బెస్ట్ హోం రెమెడీస్. ఒక గ్లాసు వేడినీళ్ళలో దాల్చిన చెక్క పౌడర్ మిక్స్ చేసి తాగాలి. అలాగే తాగడానికి ఇష్టపడని వారు తేనె మిక్స్ చేసి తీసుకోవచ్చు. దీన్ని రోజుకు మూడు సార్లు తీసుకుంటే మంచి ఫలితం ఉంటుంది.

మేతి :

మేతి లేదా మెంతులు. టాల్సిల్స్ నివారించడంలో గ్రేట్ హోం రెమెడీ. ఇందులో ఉండే యాంటీ బ్యాక్టీరియల్ లక్షణాలు టాన్సిల్స్ కు కారణమైయ్యే హానికరమైన ప్యాథోజన్స్ ను నివారిస్తుంది. దాంతో గొంతు వాపు, మంట,గొంతు నొప్పి నుండి త్వరిత ఉపశమనం కలుగుతుంది.

ఫిగ్స్ :

ఫిగ్స్ లో మస్లేజ్ అనే కంటెంట్ టాన్సిల్స్ నివారిచడంలో గ్రేట్ హోం రెమెడీ. గొంతు నొప్పి, సోర్ నెస్ ను తగ్గించడంలో గ్రేట్ రెమెడీ. డ్రై ఫిగ్స్ లేదా ఫ్రెష్ ఫిగ్స్ ను తీసుకోవచ్చు.

మింట్ టీ:

టాన్సిల్స్ తగ్గించడానికి మింట్ టీ గ్రేట్ గా సహాపడుతుంది. మింట్ టీలో యాంటీబ్యాక్టీరియల్ లక్షణాలు అధికంగా ఉన్నాయి. ఇది టాన్సిల్స్ కు కారణమయ్యే వైరస్, బ్యాక్టీరియాను నివారిస్తుంది.

జీలకర్ర:

జీలకర్ర చాలా ఫాస్ట్ గా రిలీఫ్ కలిగిస్తుంది. జీలకర్రలో ఉండే ఆల్కహాల్ లక్షణాలు టాన్సిల్స్ నివారించడంలో గ్రేట్ గా సహాయపడుతాయి. మూడు స్పూన్స్ జీలకర్రను నీటిలో వేసి బాయిల్ చేసి, వడగట్టి పక్కన పెట్టుకోవాలి. మరుసటి రోజు తిరిగి వేడి చేసి, అందులో ఒక టేబుల్ స్పూన్ విస్కీ మిక్స్ చేసి చల్లారిన తర్వాత ప్రతి అరగంట కొకసారి తీసుకోవాలి.

మిరియాలు

ఒక స్పూన్ మిరియాల పొడి, రెండు స్పూన్ల తేనె తీసుకుని నాలుగు స్పూన్ల వేడినీళ్లలో కలుపుకోవాలి. ఈ మిశ్రమాన్ని నాలుగైదు సార్లు ఒక స్పూన్ తీసుకుంటే.. టాన్సిల్స్ నుంచి సత్వర ఉపశమనం కలుగుతుంది.