Just In
- 9 hrs ago మీరు ఉదయం నిద్రలేచిన వెంటనే మీ భాగస్వామితో కలిసి ఈ పని చేయండి, వారు రోజంతా హ్యాపీగా ఉంటారు
- 9 hrs ago అశ్విని నక్షత్రంలో శుక్ర సంచారం ఈ రాశుల వారికి నాయకత్వ లక్షణాలు పెరుగుతాయి..
- 10 hrs ago వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- 11 hrs ago ఇవి తింటే మీ జుట్టు చాలా బలంగా మారుతుంది.. బట్టతల కూడా రాదు..
వీర్యగ్రంధి ( ప్రోస్టేట్) కాన్సర్ గురించి ప్రతి ఒక్క పురుషుడు ఖచ్చితంగా తెలుసుకోవాల్సిన విషయాలు
పురుషులలో చర్మ సంబంధమైన క్యాన్సర్లు కాకుండా సాధారణంగా వచ్చే క్యాన్సర్లలో వీర్యగ్రంధి ( ప్రోస్టేట్) క్యాన్సర్ ఒకటి. ఈ రకమైన క్యాన్సర్ బారినపడి ప్రపంచవ్యాప్తంగా మరణిస్తున్న వారు అధిక సంఖ్యలో ఉన్నారు. క్యాన్సర్ వల్ల మరణించే కారణాలలో ఈ వీర్యగ్రంధి ( ప్రోస్టేట్) క్యాన్సర్ రెండవ అతిపెద్ద కారణంగా నిలిచింది.
ఈ వీర్యగ్రంధి ( ప్రోస్టేట్) క్యాన్సర్లో ఉన్న అత్యంత ఘోరమైన విషయం ఏమిటంటే, చాలా సందర్భాల్లో ఆ వ్యాధికారక లక్షణాలు కొన్ని సంవత్సరాలైనా బయటపడవు.
ప్రొస్టేట్ క్యాన్సర్ ట్రీట్మెంట్ తర్వాత సైడ్ ఎఫెక్ట్స్ ను నివారించడం ఎలా..?
ఈ కారణం వల్ల వీర్యగ్రంధి ( ప్రోస్టేట్) క్యాన్సర్ స్క్రీనింగ్ టెస్ట్ ని చేపించుకొని, మనకు ఆ రకమైన క్యాన్సర్ ఉందా లేదా అని నిర్ధారించుకోవడం మంచిది. మీలో ఆ క్యాన్సర్ ఉంది అనే విషయం ఎంత త్వరగా బయటపడితే, అంత సులభంగా మీకు చికిత్స చేయవచ్చు మరియు దాని భారీ నుండి మిమ్మల్ని మీరు కాపాడుకోవచ్చు.
సాధారణంగా ఏ పురుషులకైతే 50 సంవత్సరాలు దాటుతాయో అటువంటి వారు ఈ పరీక్ష చేయించుకోవడం మంచిది. ఎందుకంటే ఈ వ్యాధి సాధారణంగా వయస్సు పై బడ్డ పురుషుల్లో ఎక్కువగా కనపడుతుంది.కానీ మీరు మీ యొక్క వైద్యుడిని సంప్రదించి ఎప్పటి నుండి ఈ పరీక్షలో పాల్గొనాలి మరియు తరచూ ఎప్పుడెప్పుడు పాల్గొనాలి అనే విషయం తెలుసుకోవడం చాలా మంచిది.
మీరు ఎప్పుడైనా ఈ స్క్రీనింగ్ పరీక్షల్లో పాల్గొనటానికి నిర్ణయం తీసుకోవచ్చు. అయితే అత్యంత ముఖ్యమైన వీర్యగ్రంధి ( ప్రోస్టేట్) క్యాన్సర్ లక్షణాల గురించి ప్రతి ఒక్క పురుషుడు తెలుసుకోవాల్సిన అవసరం చాలా ఉంది.
పురుషుల్లో ప్రొస్టేట్ క్యాన్సర్ లక్షణాలు: నివారణ చర్యలు
ఇప్పుడు మనం చెప్పుకోబోయే లక్షణాలు, మూత్ర నాళం సంక్రమణకు సంబంధించిన వ్యాధి లక్షణాలు అయిఉండొచ్చు లేదా మీ యొక్క వీర్యగ్రంధి ( ప్రోస్టేట్) ఎక్కువగా పెరుగుతున్న స్థితిని తెలిపే లక్షణాలు కావచ్చు. కావున ఇప్పుడు మీరు చదవబోయే క్యాన్సర్ లక్షణాల గురించి తెలియగానే, ముఖ్యంగా యుక్త వయస్సులో ఉన్న వారు ఒకవేళ మీకు గనుక ఆ లక్షణాలు ఉంటే, మీకేదో క్యాన్సర్ వచ్చినట్లు భావించనవసరం లేదు. ఇది ఒక అవగాహన పెంచుకోవడానికి మాత్రమే. ఇది తెలుసుకోవడం ద్వారా మిమ్మల్ని, మీ కుటుంబ సభ్యులని మరింత జాగ్రత్తగా చూసుకొనే అవకాశం కలుగుతుంది.
ఇప్పుడు ఆ వ్యాధికారక లక్షణాల గురించి వివరంగా తెలుసుకుందాం :
1) మూత్ర విసర్జనకు తరచూ వెళ్లడం :
ఈ వీర్యగ్రంధి ( ప్రోస్టేట్) క్యాన్సర్ సోకిన వారిలో అత్యంత సాధారణంగా కనపడే వ్యాధి లక్షణం ఇది. ఈ వ్యాధి గ్రస్తులు మూత్ర విసర్జనకు సాధారణంగా కంటే కూడా ఎక్కువగా వెళ్తుంటారు.
2 ) మూత్ర విసర్జనలో తొందరపాటు :
తరచుగా మూత్ర విసర్జనకు వెళ్ళాలి అనే భావన ఎక్కువగా కలుగజేస్తుంది. అది కూడా మూత్రం చాలా అధికంగా వస్తున్నట్లు ఉంటుంది మరియు అత్యవసరంగా వెళ్లాలనిపిస్తుంది.
3 ) రాత్రి పూట మూత్రవిసర్జన కోసం లేవటం :
రాత్రి సమయాలలో నిద్రపోయిన తర్వాత తరచూ ఎక్కువ సార్లు నిద్రలో లేచి మూత్ర విసర్జనకు వెళ్లడం అనేది ఈ వ్యాధి లక్షణాలలో ఒకటి.
4 ) మూత్ర విసర్జన సమయంలో క్రమపద్ధతి లేకపోవడం :
మూత్ర విసర్జన చేయడానికి చాలా సమయం పడుతుంది. మూత్రం చాలా నెమ్మదిగా మరియు చుక్కలు చుక్కలుగా వస్తుంది. ఈ లక్షణాలు గనుక ఉంటే వీర్యగ్రంధి ( ప్రోస్టేట్) లో ఎదో లోపం ఉందని అర్ధం. వీర్యగ్రంధి ( ప్రోస్టేట్) క్యాన్సర్ లో ఈ లక్షణం అతి ముఖ్యమైనది.
5 )అటు ఇటు కదిలే మూత్ర ప్రవాహం :
మూత్ర విసర్జన చేస్తున్నప్పుడు, అది ఒక ప్రవాహంలా కాకుండా అటు ఇటు కదులుతూ ఒక వైపు నుండి ఇంకొక వైపుకి తానంతట తానే మూత్ర ప్రవాహం మారిపోతూ ఉంటుంది. ఈ విషయాన్ని మీరు జాగ్రత్తగా గమనించాల్సి ఉంది.
6 ) మూత్రంలో రక్తం రావడం :
ఈ లక్షణం వీర్యగ్రంధి ( ప్రోస్టేట్) క్యాన్సర్ ప్రారంభదశలో కనపడే లక్షణం. ఇలాంటి లక్షణం మీలో గనుక ఉంటే తక్షణమే మీరు వైద్యులను సంప్రదించండి.
7 ) అంగస్తంభన మరియు స్కలించడంలో మార్పులు చోటు చేసుకోవడం :
అంగస్తంభన జరగడం చాలా కష్టమవుతుంది అంతేకాకుండా స్ఖలించేటప్పుడు చాలా తక్కువ మొత్తంలో మాత్రమే వీర్య బయటకు వస్తుంది. స్ఖలించేటప్పుడు నొప్పి వస్తుంది. ఈ లక్షణం వీర్యగ్రంధి ( ప్రోస్టేట్) క్యాన్సర్ ప్రారంభదశలో కనపడుతుంది.
8) ఎముకలు మరియు అవయవాల్లో ఎక్కువగా నొప్పులు రావడం :
ఈ లక్షణం గనుక మీరు గమనించినట్లయితే వీర్యగ్రంధి ( ప్రోస్టేట్) క్యాన్సర్ ఎముకలకు కూడా వ్యాపించింది అని అర్ధం. వీర్యగ్రంధి ( ప్రోస్టేట్) క్యాన్సర్ వ్యాధిగ్రస్థుల్లో ఇది ఒక ప్రధానమైన లక్షణం.