For Quick Alerts
ALLOW NOTIFICATIONS  
For Daily Alerts

Digital Detox: రోజూ కొంతసేపు ఫోన్లు, టీవీలు బంద్.. ఆ ఊరి కట్టుబాటు ఇది! డిజటల్ డిటాక్స్ అంటే ఏంటి?

|

Digital Detox: అది మహారాష్ట్ర సాంగ్లీ జిల్లాలోని మోహిత్యాంచే వడ్గావ్.. సాయంత్రం సరిగ్గా 7 గంటలకు సైరన్ మోగుతుంది. సైరన్ మోగగానే ఆ ఊర్లోని జనాలంతా.. ఫోన్లను దూరం పెట్టేస్తారు. టీవాలను ఆఫ్ చేస్తారు. ఇతర ఎలక్ట్రానిక్ గ్యాడ్జెట్స్ ను అస్సలే వాడరు. అలా రోజూ గంటన్నర సేపు వాళ్లు ఇలా చేస్తున్నారు. ఆ సమయంలో ఎవరు ఫోన్ చేసినా లిఫ్ట్ చేయరు. ఏ పని ఉన్నా.. డిజిటల్ పరికరాలు వాడరు. ఆ సమయంలో పిల్లలు పుస్తకాలు పట్టుకుని చదువుకుంటారు. పెద్దలు అంతా ఒకచోటుకు చేరి గ్రామాభివృద్ధి గురించి చర్చిస్తారు.

ఎలక్ట్రానిక్ గ్యాడ్జెట్స్ వాడకం వల్ల నిద్రలేమి, కంటి సమస్యలు, తల నొప్పి సహా ఇతర అనేక సమస్యలు వస్తున్నందున గ్యాడ్జెట్ల వాడకాన్ని తగ్గించాలన్న ఉద్దేశంతో ఆ ఊరి ప్రజలు ఇలా చేస్తున్నారు. దీనినే డిజిటల్ డిటాక్స్ అంటారు సాంకేతిక నిపుణులు. డిజిటల్ డిటాక్స్ ను తప్పనిసరిగా పాటించాలన్న నిపుణుల సూచనలను వారు అలవాటు చేసుకున్నారు. మోహిత్యాంచే వడ్గావ్ ఊరి ప్రజలను చూసిన చుట్టు పక్కల గ్రామస్థులూ ఈ డిజిటల్ డిటాక్స్ ను క్రమంగా పాటిస్తున్నారు.

ఈ నేపథ్యంలో డిజిటల్ డిటాక్స్ అంటే ఏంటి? డిజిటల్ డిటాక్స్ వల్ల కలిగే ప్రయోజనాలు ఏమిటో ఇప్పుడు తెలుసుకుందాం.

డిజిటల్ డిటాక్స్ అంటే ఏంటి?

డిజిటల్ డిటాక్స్ అంటే ఏంటి?

అన్ని రకాల గాడ్జెట్‌లు మరియు ఎలక్ట్రానిక్ పరికరాలకు తక్కువ సమయం పాటు దూరంగా ఉంచడాన్ని డిజిటల్ డిటాక్స్ అంటారు. మనలో కొందరు స్మార్ట్‌ఫోన్‌లకు బానిసలు అవుతున్నారు. ఆపై ప్రతి నిమిషం స్క్రీన్ చూడటం, మెసేజీలు, నోటిఫికేషన్లు చూడటం చేస్తుంటారు. ఒక్కోసారి ఫోన్ నుండి ఎలాంటి శబ్ధం రాకపోయినా.. వచ్చినట్లుగా అనిపించి ఫోన్ చూస్తారు. కొందరైతే ఏ పని లేకపోయినా, ఫోన్ స్క్రీన్ అలా ఆన్ చేసి మళ్లీ ఆఫ్ చేస్తుంటారు. తినే సమయంలో, బాత్రూముకు వెళ్లేటప్పుడు ఇలా ఏ పని చేసినా ఫోన్ చేతిలోనే ఉంటుంది.

ఈ అలవాట్లు మీ ఒత్తిడి స్థాయిలకు చాలా దోహదం చేస్తాయి. అవి ఆందోళనను సృష్టిస్తాయి. మీ ఉత్పాదకతను కూడా నాశనం చేస్తాయి. నిజానికి, ఏదో ఒక రోజు మీరు గాడ్జెట్‌లు లేని జీవితాన్ని ఊహించలేనంతగా అలవాటు పడతారు. ఈ గాడ్జెట్లు మరియు సమాచార ఓవర్‌లోడ్ మీ శారీరక మరియు మానసిక ఆరోగ్యాన్ని ప్రభావితం చేస్తుంది. ఇందుకోసమే డిజిటల్ డిటాక్స్ అనే పద్ధతిని తెరపైకి తీసుకువచ్చారు నిపుణులు. టెక్నాలజీ పెరుగుతున్న ఈ రోజుల్లో ఎలక్ట్రానిక్ గ్యాడ్జెట్స్ కు దూరంగా ఉండటం అత్యంత కష్టమైనది. అలా వాడకుండూ ఉంటే పని కష్ఠంగా మారుతుంది. కాబట్టి డిజిటల్ పరికరాలను వాడాలి కానీ, అది కొన్ని పరిమితులకు లోబడి ఉండాలి. ఉన్నపళంగా గ్యాడ్జెట్స్ ను దూరం చేయలేము. అందుకే రోజూ కొంత సమయం పాటు వాటిని దూరంగా ఉంచడం ద్వారా వాటి వాడకాన్ని, అవి కలుగజేసే సమస్యలను కట్టడి చేయవచ్చు.

డిజిటల్ డిటాక్స్ వల్ల ప్రయోజనాలు

డిజిటల్ డిటాక్స్ వల్ల ప్రయోజనాలు

కళ్లు స్ట్రెయిన్ కాకుండా ఉపశమనం పొందుతాయి

ఈ ఆధునిక గాడ్జెట్‌ల యుగంలో, మనమందరం కంప్యూటర్లు మరియు ఇతర గాడ్జెట్ల మానిటర్లు విడుదల చేసే రేడియేషన్‌కు మన కళ్ళను గురిచేస్తున్నాము. మీరు గ్యాడ్జెట్స్ కు దూరంగా ఉన్నప్పుడు, కళ్ళు ఉపశమనం పొందుతాయి.

ఏం తింటున్నాం.. ఎంత తింటున్నాం..

ఏం తింటున్నాం.. ఎంత తింటున్నాం..

మనలో కొందరికి భోజనం చేసేటప్పుడు కూడా మొబైల్ ఫోన్ ఒక చేత్తో పట్టుకునే అలవాటు ఉంటుంది. మీరు గాడ్జెట్‌లకు దూరంగా ఉంటే ఎలాంటి ఆహారం తింటున్నాం.. ఎంత మోతాదులో తింటున్నాం అనే స్పృహ ఉంటుంది.

మీ చెవులు ఉపశమనం పొందుతాయి

మీ చెవులు ఉపశమనం పొందుతాయి

మీరు గంటల తరబడి ఫోన్‌లో మాట్లాడుతున్నప్పుడు మీ చెవులు వేడెక్కడం గమనించారా? అలాగే, ఇయర్‌ఫోన్‌లను ఎక్కువసేపు ఉపయోగించడం వల్ల చెవిలో ఇన్‌ఫెక్షన్లు వచ్చే అవకాశం ఉంది. కాబట్టి ఒక వారం డిజిటల్ డిటాక్స్ మీ చెవులను కూడా కాపాడుతుంది.

క్వాలిటీ టైం

క్వాలిటీ టైం

మీరు మీ అన్ని గాడ్జెట్‌లను దూరంగా ఉంచినప్పుడు మీరు మీ ప్రియమైనవారితో నాణ్యమైన సమయాన్ని గడపగలుగుతారు. ఇది మీ వ్యక్తిగత జీవితాన్ని మెరుగుపరుస్తుంది.

ప్రశాంతత

ప్రశాంతత

మీరు కొద్దికాలం పాటు ప్రపంచానికి దూరంగా ఉంచినప్పుడు, మీ మనస్సు రిఫ్రెష్‌గా, రిలాక్స్‌గా మరియు ప్రశాంతంగా ఉంటుంది.

బాగా నిద్రపోతారు

బాగా నిద్రపోతారు

మీరు గాడ్జెట్‌లకు దూరంగా ఉంటే మీ నిద్ర నాణ్యత బాగా మెరుగుపడుతుంది. నిజానికి, మీరు నిద్రపోయే వరకు మీ స్మార్ట్‌ఫోన్‌ను ఉపయోగించడం చాలా చెడ్డ అలవాటు.

జ్ఞాపకశక్తి

జ్ఞాపకశక్తి

ఒక వారం కంటే ఎక్కువ సమయం డిజిటల్ డిటాక్స్ చేసిన వారిలో కాగ్నిటివ్ ఎబిలిటీస్ మరియు జ్ఞాపకశక్తి మెరుగవుతుందని పలు అధ్యయనాల్లో తేలింది.

ఒత్తిడి

ఒత్తిడి

మీరు మీ జీవితాన్ని అన్ని రకాల పరధ్యానాలు మరియు గాడ్జెట్‌ల నుండి దూరంగా ఉంచినప్పుడు మీ ఒత్తిడి స్థాయిలు బాగా తగ్గుతాయి.

English summary

What is digital detox? what are the benefits?

read on to know What is digital detox? what are the benefits?
Story first published:Thursday, September 29, 2022, 17:18 [IST]
Desktop Bottom Promotion