What is florona:కొత్తగా‘ఫ్లోరోనా’కలకలం.. ఇది ఒమిక్రాన్ కన్నా ప్రమాదమా? దీని లక్షణాలేంటి?

ఫ్లోరోనా అంటే ఏమిటి?

ఫ్లోరోనా అనేది కోవిద్, ఇన్ ఫ్లూయెంజా వైరస్ లు ఒకేసారి మన బాడీలో ప్రవేశించినప్పుడు ఏర్పడే డబుల్ ఇన్ఫెక్షన్. ఇలా రెండు ఒకేసారి మన శరీరంలోకి ప్రవేశిస్తే.. దాన్ని ఫ్లోరోనా వైరస్ అంటారు.

ఫ్లోరోనా లక్షణాలు..

పలు అధ్యయనాల ప్రకారం, ఫ్లోరోనా లక్షణాలు చాలా ప్రమాదకరస్థాయిలో ఉన్నట్లు తెలుస్తోంది. అయితే కోవిద్-19 లక్షణాలతో పాటు గుండె కండరాలలో నొప్పి లేదా మంట వంటి లక్షణాలు వస్తాయట. వీటితో పాటు శ్వాస పీల్చుకోవడంలో లేదా వదలడంలో సమస్యలు రావడం, న్యూమోనియా, మయోకార్డిటిస్ కు కూడా దారి తీసే అవకాశం ఉందని నిపుణులు చెబుతున్నారు. ఈ లక్షణాలు ఉన్నవారు సరైన జాగ్రత్తలు తీసుకోకపోతే రోగి వెంటనే చనిపోయే ప్రమాదం కూడా ఉంది.

కొత్తది కాదట..

ఈ ‘ఫ్లోరోనా' వైరస్ కొత్త రకం మహమ్మారి కాదని, ఒకేసారి ఫ్లూ, కోవిద్ లకు చెందిన రెండు రకాల వైరస్ లు బాడీలోకి ప్రవేశించడం వల్ల ఇమ్యూనిటీ సిస్టమ్ విచ్ఛిన్నమై ఫ్లోరోనా సోకి ఉండొచ్చని ఇజ్రాయెల్ వైద్యులు చెబుతున్నారు. మరోవైపు కొన్ని వారాలుగా ఆ దేశంలో ఇన్ ఫ్లూయెంజా కేసులు పెరుగుతున్నాయని, ఈ క్రమంలో అది ఉద్భవించి ఉండొచ్చని వివరించారు. దీంతో ఆ దేశ ప్రభుత్వం వెంటనే అలర్ట్ అయ్యింది. ఫ్లోరోనా వ్యాధి వ్యాప్తి చెందకుండా, చర్యలకు సిద్ధమైంది.

ఎలాంటి జాగ్రత్తలు తీసుకోవాలి..

ఈ వ్యాధి వ్యాపించకుండా ఉండాలంటే.. ప్రతి ఒక్కరూ కరోనా టీకాలను కచ్చితంగా తీసుకోవాలని, ఇన్ ఫ్లూయెంజా టీకాలు వేయించుకోవాలని ఇజ్రాయెల్ హెల్త్ డిపార్ట్ మెంట్ సూచిస్తోంది. లేదంటే మీ ఇమ్యూనిటీ పవర్ బలహీనంగా మారిపోయి ఫ్లోరోనా ఇన్ఫెక్షన్ తీవ్ర రూపం దాల్చే అవకాశం ఉంటుందని నిపుణులు హెచ్చరిస్తున్నారు. అందుకే రోగ నిరోధక వ్యవస్థను పెంచుకునేందుకునే బూస్టర్ డోసులు వేసుకోవడంతో పాటు ఇతర జాగ్రత్తలు కూడా విధిగా పాటించాలని సూచిస్తున్నారు.