బిగ్ అలర్ట్ : సాక్స్ లేకుండా షూ వేసుకుంటే..పెద్ద ప్రమాదమే!

ప్రస్తుతం మన లైఫ్ స్టైయిల్ లో చాలా మార్పులు వచ్చేశాయి. ఒకప్పుడు షూస్ అంటే తప్పనిసరిగా సాక్స్ లు ధరించేవాళ్లు. అయితే ఫ్యాషన్ ట్రెండ్స్‌లో వచ్చిన మార్పుల కారణంగా..చాలామంది ఈ రోజుల్లో సాక్స్ లేకుండా షూ వేసుకోవడం మొదలుపెట్టారు. అయితే సాక్స్ లేకుండా షూస్ ధరిస్తే చాలా పెద్ద సమస్యలే వస్తాయని ఓ పరిశోధనలో తేలింది. దీని వల్ల పాదాలే కాదు ఆరోగ్యానికి సంబంధించిన ఇతర వ్యాధులు వచ్చే ప్రమాదం ఉంటుందని నిపుణులు తెలిపారు. సాక్స్ లేకుండా షూస్ వేసుకుంటే వచ్చే సమస్యలు ఏంటో ఇక్కడ చూడండి.

రక్త ప్రసరణ
సాక్స్ లేకుండా షూస్ వేసుకోవడం ధరించడం వల్ల పాదాలకు హాని జరగడమే కాకుండా రక్త ప్రసరణకు సంబంధించిన సమస్యలు వస్తాయి. కాబట్టి షూ వేసుకునే ముందు అది సరైనదో కాదో తెలుసుకోవాలి. బిగుతుగా లేదా వదులుగా ఉండే బూట్లు వేసుకోకూడదు. బిగుతుగా ఉన్న షూ ధరించనప్పుడు సాక్స్ వేసుకోవడం తప్పనిసరి. వాటి ప్రభావం నేరుగా పాదాల చర్మం మీద పడకుండా సాక్సులు కాపాడి సౌకర్యం ఇస్తాయి. మంచి నాణ్యమైన సాక్స్‌ లను ధరించాలి. ప్రతిరోజు వాటిని మార్చాలి.

మంట,దరుద సమస్యలు
పాదాలకు, బూట్లకు మధ్య సాక్స్ రక్షణ కవచంగా పనిచేస్తాయి. సాక్సులు లేకుండా బూట్లు వేసుకుని ఎక్కువసేపు నడవటం, పరిగెత్తడం వల్ల పాదాల్లో బొబ్బలు వచ్చే ప్రమాదం ఉంటుంది. దీంతో మంట, దురద సమస్యలు వస్తాయి.

ఇన్ఫెక్షన్లు
ఎక్కువ సేపు బూట్లు ధరించినప్పుడు పాదాలలో చెమట పట్టడం సాధారణం. ఈ చెమటను పీల్చుకుని పాదాలను పొడిగా ఉంచడానికి సాక్స్‌ లు పనిచేస్తాయి. ఓ అంచనా ప్రకారం ఒక వ్యక్తి పాదాలు రోజుకు 300 మి.లీ చెమటను రిలీజ్ చేస్తాయి. సాక్స్ లేకుండా ఈ చెమట ఆరిపోదు. దీని కారణంగా పాదాలలో తేమ పెరుగుతుంది. దీంతో అలర్జీ, అనేక రకాల బ్యాక్టీరియా ఫంగల్ ఇన్ఫెక్షన్ల ప్రమాదం పెరుగుతుంది.

అలర్జీ
కొందరి చర్మం చాలా సున్నితంగా ఉంటుంది. ఈ క్రమంలో తోలు లేదా మరేదైనా సింథటిక్ పదార్థంతో సంబంధం కలిగి ఉండటం అలెర్జీకి కారణమవుతుంది. అందువల్ల బూట్లు తో సాక్స్‌లు ధరించడం బెటర్.

దుర్వాసన
పాదాలలో తేమ కారణంగా బ్యాక్టీరియా పేరుకుపోతుంది. దీంతో పాదాల నుండి తరచుగా దుర్వాసన రావడం మొదలవుతుంది. మెయిన్ గా సాక్స్ లేకుండా లెదర్ షూస్ వేసుకుంటే ఈ సమస్య రెట్టింపు అవుతుంది.

తీవ్రమైన సమస్యలు కూడా
ఎక్కువసేపు సాక్స్ లేకుండా షూ వేసుకోవడం వల్ల పాదాలలో తేమ పెరుగుతుంది. అలాగే రాపిడి కారణంగా చర్మ ఇన్ఫెక్షన్లు వస్తాయి. ఈ ఇన్ఫెక్షన్ అలాగే నిర్లక్ష్యం చేస్తే సెల్యులైటిస్ వంటి తీవ్రమైన సమస్యలు కూడా రావచ్చు. ఈ సమస్యను ప్రారంభ దశలో గుర్తించి జాగ్రత్త తీసుకోకపోతే ఇది తీవ్ర వైద్య పరిస్థితికి కారణమవుతుంది. పాదాలలో ఏదైనా ఇన్ఫెక్షన్ ఎక్కువ కాలం ఉంటే వెంటనే డాక్టర్‌ ను కలవడం ఉత్తమం.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.