స్పైసీ ఫుడ్స్ తింటే ముక్కు కారడం, కళ్ల నుంచి నీళ్లు వస్తుంటాయి.. ఎందుకో తెలుసా?

ఘుటుగా, కారంకారంగా ఏదైనా తినాలని కొంత మంది ఎప్పుడూ కోరుకుంటారు. నషాళానికి అంటే స్పైసీ ఫుడ్స్ లాగించేస్తుంటారు. ముఖ్యంగా నాన్ వెజ్ ఐటెమ్స్ అయితే వేడి వేడిగా, కారంగా ఉంటే చాలా మంది ఇష్టపడతారు. అయితే స్పైసీ ఫుడ్స్ తినేటప్పుడు చాలా మంది ఒక విషయం అనుభవించే ఉంటారు.

కారంకారంగా ఉన్న ఫుడ్స్ ను నోట్లో ఒక్కో ముద్ద పెడుతున్న కొద్దీ ముక్కు కారడం ప్రారంభమవుతుంది అలాగే కళ్ల నుంచి నీళ్లు కారడం చాలా మందికి చాలా సార్లు జరిగే ఉంటుంది. అసలు కారం పదార్థాలు తింటే ఇలా ఎందుకు జరుగుతుందని ఎప్పుడైనా ఆలోచించారా? దాని వెనక కారణం ఏంటో ఇప్పుడు తెలుసుకుందాం.

స్పైసీ ఫుడ్స్ వెనక సైన్స్:
మసాలా ఆహారం తినడం వల్ల ముక్కు కారడం, కళ్ల నుంచి నీళ్లు కారడానికి ప్రధాన కారణం స్పైసీ ఫుడ్ లో ఉండే క్యాప్సైసిన్ అనే రసాయన సమ్మేళనం. మిరపకాయల్లో క్యాప్సైసిన్ ఉంటుంది. ఇది వేడిని ఉత్పత్తి చేస్తుంది. క్యాప్సైసిన్ చర్మం, శ్లేష్మ పొరల్లోని గ్రాహకాలతో బంధిస్తుంది. ఇది ఆయా ప్రాంతాల్లో వేడిగా ఉందని మెదడుకు సంకేతాలను పంపుతుంది. శరీర ఉష్ణోగ్రతకు మించి వేడి ఉంటే దానిని చల్లబరిచేందుకు మెదడు శరీరాన్ని ఉసిగొల్పుతుంది. దీంతో హిస్టామిన్లు విడుదల అవుతాయి. అది శ్లేష్మాన్ని ఉత్పత్తి చేస్తుంది.

ముక్కుపై స్పైసీ ఫుడ్ ప్రభావం:
కారంగా ఉండే ఆహారాన్ని తిన్నప్పుడు, ఆహారంలోని క్యాప్సైసిన్ ముక్కులోని గ్రాహకాలతో బంధిస్తుంది. ఇది ముక్కులోని రక్త నాళాలను విస్తరిస్తుంది. దాంతో రక్త ప్రవాహం పెరుగుతుంది. దీని వల్ల ముక్కు కారుతుంది. క్యాప్సైసిన్ శ్లేష్మం ఉత్పత్తిని కూడా ప్రేరేపిస్తుంది. దాని వల్ల ముక్కు కారడం జరుగుతుంది.

కళ్లపై స్పైసీ ఫుడ్ ప్రభావం:
స్పైసీ ఫుడ్ లోని క్యాప్సైసిన్ కళ్లలోని శ్లేష్మ పొరలను కూడా చికాకు పెడుతుంది. ఈ చికాకును బయటకు పంపడానికి ఏకైకా మార్గం కన్నీరు. క్యాప్సైసిన్ కళ్లలోని రక్త నాళాలు విస్తరించడానికి కూడా కారణం అవుతుంది. దీని వల్ల కళ్లు ఎర్రగా, వాపుగా మారతాయి.

ముక్కు కారటాన్ని, కళ్ల నుంచి నీరు రావడాన్ని ఎలా ఆపాలి?:

* తక్కువ స్పైసీ ఫుడ్ తినాలి:
మీరు ఎంత ఎక్కువ స్పైసీ ఫుడ్ తీసుకుంటే, ముక్కు కారటం, కళ్ల నుంచి నీళ్లు కారడం అంత ఎక్కువగా ఉంటుంది.

* స్పైసీ ఫుడ్‌కి అలవాటు పడండి:
మీరు కారంగా ఉండే ఆహారాన్ని తినడం అలవాటు చేసుకోకపోతే, చిన్న మొత్తంలో తినడం ప్రారంభించండి. కాలక్రమేణా మీరు తినే మొత్తాన్ని క్రమంగా పెంచండి.

* పుష్కలంగా ద్రవాలు త్రాగాలి:
ద్రవాలు తాగడం క్యాప్సైసిన్‌ను బయటకు పంపడానికి సహాయపడుతుంది. లక్షణాల తీవ్రతను తగ్గించడంలో సహాయపడుతుంది.

* ఓవర్ ది కౌంటర్ యాంటిహిస్టామైన్ తీసుకోండి:
క్యాప్సైసిన్ వల్ల కలిగే మంట మరియు శ్లేష్మ ఉత్పత్తిని తగ్గించడానికి యాంటిహిస్టామైన్ సహాయపడుతుంది.

Disclaimer: ఇంటర్నెట్‌లో అందుబాటులో ఉన్న సమాచారం ఆధారంగా ఈ వ్యాసాన్ని రాయడం జరిగింది. కచ్చితత్వానికి, విశ్వసనీయతకు ఎలాంటి హామీ ఇవ్వడం లేదు. Boldsky Telugu ఈ వ్యాసానికి సంబంధించిన ఏ విషయాన్నీ నిర్ధారించడంలేదు. ఈ వ్యాసం ఉద్దేశం సమాచారం అందించడం మాత్రమే. ఏదైనా పాటించే ముందు సంబంధిత నిపుణుల సలహా తీసుకోగలరు.