World Tuberculosis Day 2023: టీబీ ఎలా సంక్రమిస్తుంది? శరీరాన్ని ఎలా ప్రభావితం చేస్తుందో తెలుసా?

క్షయ -టీబీ(ట్యూబర్‌కులోసిస్) అనేది ప్రాణాంతకమైన అంటువ్యాధి. ఇది ఊపిరితిత్తులపై దాడి చేస్తుంది. ప్రాణాంతకమైన ఈ వ్యాధి నివారించదగినది, సరైన చికిత్సతో నయం చేయవచ్చు. క్షయ వ్యాధి సోకితే విపరీతమైన దగ్గు వస్తుంది. బరువు తగ్గుతారు, జ్వరం, రాత్రిపూట చెమటలు, ఆకలి తగ్గడం వంటి లక్షణాలు కనిపిస్తాయి.

క్షయ రోగులు పోషకాహార లోపం కూడా ఏర్పడుతుంది. అయితే క్షయ సోకితే ఆకలి ఉండదు కాబట్టి బరువు చాలా తగ్గిపోతారు. అందుకే క్షయ సోకిన వారు పోషకాహారం తీసుకోవాలని వైద్యులు సూచిస్తుంటారు.

మైకోబ్యాక్టీరియమ్ ట్యూబర్కులోసిస్ అనే బ్యాక్టీరియా కారణంగా ట్యూబర్‌కులోసిస్-టీబీ వ్యాధి సోకుతుంది. ఈ క్షయ క్రిములు ముఖ్యమంగా ఊపిరితిత్తుల్లో ప్రవేశించి శ్వాసకోశ క్షయవ్యాధిని కలుగజేస్తాయి.

ఈ శ్వాసకోశ క్షయ అంటువ్యాధి. టీబీ ఉన్న వారు దగ్గినప్పుడు తుంపర్లు, తెమడ ద్వారా ఇతరులకు సోకుతుంది. శరీరంలోని ఇతర భాగాలకి కూడా క్షయ వ్యాధి రావొచ్చు. శ్వాసకోశేతర భాగాలు ఎముకలు, కీళ్లు, లింపు గ్రంథులు, మెదడు పొరలు, మూత్ర పిండాలు, గర్భసంచికి కూడా క్షయ వ్యాధి సోకుతుంది.

క్షయ వ్యాధి లక్షణాలు:

* దగ్గు
* కఫం
* జ్వరం
* బరువు తగ్గడం
* ఆకలి తగ్గడం
* పోషకాహార లోపం
* రాత్రిపూట చెమటలు
* పక్షవాతం
* చలి
* తలనొప్పి
* వాంతులు
క్షయ వ్యాధి ఎలా వ్యాపిస్తుంది:

క్షయ వ్యాధి ఉన్న రోగి దగ్గినప్పుడు క్షయ క్రిములు గాలి ద్వారా వ్యాపిస్తాయి. క్షయ రోగులు దగ్గినప్పుడు ఊపిరితిత్తుల నుండి వచ్చే బ్యాక్టీరియాలు గాలిలో చేరుతాయి. వాటిని ఇతర వ్యక్తులు పీల్చినప్పుడు ఊపిరితిత్తుల్లోకి ప్రవేశించి టీబీని అభివృద్ధి చేస్తాయి.

క్షయ చికిత్స:

ఇంటెన్స్ ఫేస్:

ఇందులో నాలుగు రకాల టీబీ మందులు ఇస్తారు. వీటిని రెండు నెలల పాటు వేసుకోవాల్సి ఉంటుంది.

మెయింటెనెన్స్ ఫేస్:

ఇందులో రెండు రకాల టీబీ మందులు ఉంటాయి. వాటిని నాలుగు నెలల పాటు తీసుకోవాల్సి ఉంటుంది.

వ్యక్తికి ఏ భాగంలో టీబీ ఉంది. ఎంత తీవ్రంగా ఉంది అనే విషయాలను బట్టి చికిత్స ఆధారపడి ఉంటుంది. ఇందులో కొన్ని మార్పులు కూడా ఉండొచ్చు. నాడీ వ్యవస్థ టీబీ ఉన్నవారు ఎక్కువ రోజులు మందులు తీసుకోవాల్సి రావొచ్చు. కొంతమందిలో క్షయ చికిత్సతో పాటు స్టెరాయిడ్స్, ఫిట్స్ సంబంధించిన మందులు కొంతకాలం వాడాల్సి ఉంటుంది. కొన్నిసార్లు శస్ర్తచికిత్స కూడా అవసరం అవ్వొచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.