రొమాన్స్ అధికం చేసే రూమ్ డెకరేషన్!

రూమ్ లైటింగ్: రూమ్ లో లైటింగ్ మీకు ఆహ్లాదాన్ని కలిగించేదిగా వుండాలి. అలాగని దానిపై అధిక వ్యయం కూడా చేయరాదు. రూమ్ అవసరాన్నిబట్టి ఒక కేండిల్ వెలిగించినా బాగానే వుంటుంది. కంటికి ఒత్తిడినిచ్చే లైటు ఫిటింగ్ లు బెడ్ రూమ్ లోఅవసరం లేదు. పగలయితే మందపాటి కర్టెన్లు వేసి అధిక లైటింగ్ తగ్గించి రూమ్ ను సౌకర్యవంతంగా కూడా చేసుకోవాలి.

బెడ్డింగ్: బెడ్ రూమ్ లో మరో ప్రధానంగా వుండాల్సిన సౌకర్యం చక్కని పడకలు. మెత్తగా వుండి కంటికి ఇంపుగా కనపడే శాటిన్ బెడ్ కవర్లు వేసిన మేట్రెస్ లు, వేయండి. బెడ్ షీట్లు రూమ్ అలంకరణకు తగినట్లు వివిధ రంగులలో ...ఎరుపు, రోజ్ కలర్, పింక్ రంగులలో బాగుంటాయి. కర్టెన్లు కూడా వివిధ రకాలుగా అలంకరించవచ్చు. కర్టెన్ల పక్క భాగంలో వేలాడే డ్రేప్స్ మంచి రిచ్ లుక్ ఇస్తాయి. మరింత బాగా కనపడాలంటేకర్టెన్లకు మందపాటి కలర్లు ఎంపిక చేయండి. బెడ్ పై హార్ట్ షేప్ లో వుండే కుషన్లు లేదా నలుచదరం, గుండ్రం కుషన్లు వేస్తే ఇంకా బాగుంటుంది.

పడక గదిలో సువాసనలనిచ్చే కేండిల్స్, లేదా అగర బత్తీలు మిమ్మల్ని మరింత ఆహ్లాద పరుస్తాయి. లవెండర్, వనిలా, రోజ్, ఛామోమైల్ వాసనలతో కొన్ని రూమ్ ఫ్రెషనర్స్ కూడా ఉపయోగించి రూమ్ అలంకరణ మరింత బాగా చేయవచ్చు.