అలంకరణలో ఎప్పటికి ఆధునికమే!

Decor

oi-Nageswara

By B N Sharma

Published: Friday, November 4, 2011, 12:04 [IST]

సాధారణంగా ఇంటి అలంకరణలో అనేక రంగులు ప్రాధాన్యత వహిస్తాయి. ప్రతి రంగుకు ఒక్కొక్క ఎనర్జీ స్ధాయి వుంటుంది. తెలుపుకు ఎనర్జీ అధిస్ధాయి. రోజంతా సూర్యరశ్మి దానిలో ప్రతిబింబిస్తుంది. ప్రతి రంగూ ఒక విశిష్టత కలిగి వుంది. కాని నలుపురంగు లేకుండా ఇల్లు వుండదు. చాలామంది ఇష్టపడని నలుపు ప్రయోజనాలు చూస్తే....ఇందులో ఆత్మ విశ్వాసం, అధికారం, స్వతంత్రతలు కనపడతాయి. ఫెంగ్ షూయి శాస్త్రం నలుపు రంగును నీటికి జత చేస్తుంది. నీటి తాజాదనం, సమృద్ధి, ప్రశాంతతలు నలుపులో వుంటాయని భావిస్తుంది. నలుపు రంగు ఇంటికి ఎలా ఉపయోగించాలి?

1. గోడలు, నేల, ఫర్నిచర్ నలుపురంగులో వుంచచ్చు. కొద్దిపాటి దుమ్ము పడినా త్వరగా కనపడదు.
2. నలుపును ఏ పరికరానికైనా వెనక పెడితే ఆ పరికరం చాలా బ్రైట్ గా వుంటుంది.
3. ఇల్లు బాగా కొట్ట వచ్చినట్లు కనపడాలంటే, నలుపురంగు ధారాళంగా వాడండి. ఇంటీరియర్ లో వివిధ రంగులకు మ్యాచ్ అవుతుంది కూడాను.
4. నలుపు రంగు బయట వేస్తే, అందరి ఇండ్ల కంటే కూడా మీ ఇల్లు బాగా కనపడుతుంది. ఆధునికంగా కూడా వుంటుంది. కనుక మీరు ఎత్తి చూపాలనుకునే ఇంటి అలంకరణ భాగం నలుపు రంగుతో చేయండి.
5. బాత్ రూమ్ లలో బ్లాక్ మార్బుల్ ఫిక్చర్లు వంటివి చాలా బాగుండి ఎక్కువకాలం వుంటాయి.
6. గదులు బాగా ప్రకాశవంతం అనుకుంటే, గోడలకు నలుపురంగు వేయండి. కాంతిని పీల్చేసి మీకు హాయి గొల్పుతుంది.
7. నలుపు రంగు అధికంగా వుండి మధ్య మధ్యగా ఇతర రంగులు ఏవి వేసినప్పటికి వాటి అందం రెండు రెట్లు పెరుగుతుంది.

ఎప్పుడూ పాతపడని రంగు అంటే...నలుపు రంగు మాత్రమే. ఇన్ని ప్రయోజనాలున్న నలుపు రంగును మీ ఇంటి అలంకరణకు విచక్షణగా ఉపయోగించి అలంకరణకు కొత్త అర్ధాలను చూపండి.