తక్కువ ఖర్చు, శ్రమలతో ఇంటి అలంకరణ....!

Decor

oi-Nageswara

By B N Sharma

Published: Wednesday, December 7, 2011, 10:43 [IST]

చాలామంది ఇంటి అలంకరణ బాగుండాలంటే, గోడలకు బ్రైట్ కలర్లు వేయాలని భావిస్తారు. కాని మరీ బ్రైట్ రంగులు కాకుండా మధ్యస్త రంగులు అంటే తెలుపు, బీజ్, క్రీమ్, పేల్ ఎల్లో, పేల్ పింక్ వంటివి వేసినా ఇంటి లోపలి భాగ చాలా బ్రైట్ గా వుంటుంది. ఇక గోడలకు పెట్టే వాల్ హేంగ్స్ లేదా చిత్ర పటాలు వివిధ రంగులలో వుంటే బాగుంటుంది. గది పెద్దదిగా వుంటే ఫొటోలు పెద్దవిగా వుండేలా చూడండి. లేదా చిన్న ఫొటోలు కూడా 2 లేదా 3 చొప్పున ఒక్కొక్క చోట అలంకరించండి. పిల్లల చేతి పెయింటింగ్ లు లేదా కుటుంబ సభ్యుల ఫొటోలు కూడా మంచి ఫ్రేములతో కూడినవి పెడితే బాగుంటాయి. గదిలో వుండే ఫర్నిచర్ రంగులు కూడా ఆకర్షణీయంగాను హుందాగాను వుండేలా వుండాలి. ఇక వాటిలో వేసే కుషన్లకు వివిధ రకాల రంగులు వాడితే బాగుంటుంది. గదికి ల్యాంప్ షేడ్లు ఆకర్షణీయంగా వుంటాయి. ఇవి పేపర్, గుడ్డ, గ్లాసు, సెరామిక్, ప్లాస్టిక్, మెటల్, మొదలైనవిగా వండాలి. లైటు వెలిగినపుడు వాటి ఆకర్షణ బాగుంటుంది.

గది అలంకరణలో భాగంగా ఆకుపచ్చదనం గల మొక్కలు, రంగురంగుల పూలు కూడా పెట్టవచ్చు. పూలు మొక్కలు, నేటి రోజులలో ఆర్టిఫిషియల్ మెటీరియల్ తో తయారైనవి ఆకర్షణీయంగా వుంటున్నాయి. వీటిని ఒక సారి పెడితే ఎప్పటికపుడు దుమ్ము దులపటం మినహా వేరేమీ అవసరంలేదు. ఇక నేలకు బ్రైట్ కలర్ తివాచీ వేస్తే మీ ఇంటి అలంకరణ పూర్తయినట్లే. రెడ్, బ్రౌన్, ఆలివ్ గ్రీన్, డార్క్ బ్లూ రంగులు తివాచీలుగా బాగుంటాయి.