అలంకరణలో అందం - సొమ్ము పొదుపు!

Decor

oi-Nageswara

By B N Sharma

Published: Saturday, November 5, 2011, 16:21 [IST]

సాధారణంగా కేన్ ఫర్నిచర్ పెద్ద పెద్ద బంగళాలలో బయట వరండాలోను లేదా గార్డెన్ లోను వేయటం చూస్తూంటాం. దానిని ధనికులు మాత్రమే వాడే ఫర్నిచర్ గా భావిస్తాం. కాని ఇది చాలా తక్కువ ఖర్చుతో కొనదగినదే. అవసరమైన ఫర్నిచర్ కేన్ తయారీ కొనుగోలు కొత్తగా ఇళ్ళు ఏర్పరచుకునేవారికి బాగుంటుంది. కేన్ ఫర్నిచర్ కు అధిక స్ధలం కూడా అవసరంలేదు. దీనికి గల గొప్ప సౌకర్యం గదులలో లేదా ఇంటివరండా లేదా ఇంటి ఆవరణలో ఎక్కడకు కావాలన్నా మార్చుకొని సౌకర్యవంతంగా వాడుకోవచ్చు. ఈ ఫర్నిచర్ కొనుగోలు, అలంకరణలు మంచి అభిరుచితో కూడుకున్నవిగా ఇంటి యజమానిని చిత్రీకరిస్తాయి.

అయితే, ఇవి కూర్చునే వారికి కొద్దిగా గట్టితనంగా అనిపిస్తాయి కనుక వాటిలో మెత్తని కుషన్లు వేస్తే వచ్చిన అతిధులకు మరింత సౌకర్యంగా వుంటుంది. చిన్నపాటి కేన్ స్టూళ్ళు ఇంటిలో కనీసం ఒక అరడజను వేసి వుంచితే, గదిలో చోటు తక్కువైనప్పటికి అతిధులకు అందరికి కూర్చునే సౌకర్యం చేసినట్లుంటుంది. కేన్ టీపాయ్ పైన ఒక గ్లాస్ టాప్ వేస్తే చూసేందుకు చాలా బాగుంటుంది. డ్రాయింగ్ కమ్ డైనింగ్ గదులలో కూడా కేన్ టేబుల్స్ వేసి గ్లాస్ టాప్ వేస్తే బాగుంటుంది.

వీటికి తోడు కేన్ ల్యాంప్ షేడ్లు, టెలిఫోన్ స్టాండులు కూడా గదులలో అలంకరిస్తే మీ ఇంటి అలంకరణ ఇక పూర్తయినట్లే.