గార్డెన్ లో దీపాల అలంకరణలు!

ఫెయిరీ లైట్స్ - ఇవి కూడా చిన్నపాటి బల్బులే. వీటిని కూడా గార్డెన్ లో దీపాల అలంకరణగా వాడితే మంచి అందంగా వుంటుంది. కాంతివంతమైన వెలుగులు విరజిమ్ముతూంటాయి. వీటిని చెట్టు కొమ్మలకు వేలాడదీయండి. లేదా చిన్న మొక్కలకు, పొదలకు వీటిని చుట్టండి. వీటిని నేలపై కూడా పెడితే, గార్డెన్ లోకి ప్రవేశించేవారికి దారి బాగా కనపడుతుంది.

లాంతర్లు - లాంతర్లు చాలా పురాతనమైనవి. ఇపుడు ఈ లాంతర్లలో ఎలక్ట్రిక్ బల్బులు పెట్టి వెలిగిస్తున్నారు. పురాతనమైనవైనప్పటికి, లాంతర్లను గోడలకు లేదా చెట్లకు వేలాడదీస్తే ఎంతో ఆకర్షణీయంగాను, విభిన్నంగాను వుంటుంది. మరో అయిడియాగా లాంతర్లలో కేండిల్స్ కూడా వెలిగించి పెట్టవచ్చు. అయితే, వీటికి గాలి తగులరాదు.

ప్రమిదల దీపాలు - సాధారణంగా ఇంటిలో పెట్టినట్లే, గార్డెన్ లో కూడా కరెంటు ప్రమిదల దీపాలు వెలిగించి ఆనందించవచ్చు. ఇవి కూడా సాంప్రదాయకంగా వుండి గార్డెన్ లో పండుగ వాతావరణాన్ని చూపిస్తాయి.

ఈ దీపావళి పండుగకు మీ అందాల తోటను పైన తెలిపిన విధంగా అలంకరించి ఆనందించండి.