పడక ఎక్కితే....! పట్టు పట్టాల్సిందే... !!

1. బెడ్ రూమ్ రంగురంగులా? మరి మీ బెడ్ కూడా ఆకర్షణీయమైన రంగుల బెడ్ షీట్లతో, కుషన్లతో, తలగడలతో నింపేయండి.

2. మీకు తెల్లని తెలుపు ఇష్టమా? చిక్కటి తెలుపు రంగు మీకు పడకలో బయటి విషయాలేవీ గుర్తుకు రానివ్వదు. తెల్లటి బెడ్ షీట్ వేసి దానిపై తెల్లటి కవర్లున్న కుషన్లు, తలగడలు వేస్తే స్వచ్ఛమైన శుభ్రత మీకు ఆహ్లాదాన్నిస్తుంది. బెడ్ పై ఒరిగిపోయేలా చేస్తుంది.

వీటిని సులభంగా ఎలా అమర్చుకోవాలి?
పాత బెడ్ షీట్, పిల్లో కవర్స్ వంటివి తీసివేసి లాండ్రీ బేగ్ లో పడేయండి. మేట్రస్ పై ఒక పాత బెడ్ షీట్ వేయండి. బెడ్ షీట్ చివరలను మేట్రస్ అడుగుకి తోసేయండి. ఇపుడు మీకు నచ్చిన బెడ్ షీట్ రంగులు లేదా వైట్ వంటివి మేట్రస్ పై పరచిదానిని తలగడలవైపు మాత్రమే మేట్రస్ కింద టక్ చేయండి. మగిలిన మూడు వైపులా లూజుగా వదిలేయండి. మరల మార్చుకోడం తేలికవుతుంది. కప్పుకునే దుప్పటి లేదా రజాయి వంటివి సగం మడచి బెడ్ దిగువ భాగంలో వేయండి. ఇక మీరు కలలు కనే బెడ్ రూమ్ సౌకర్యాలు రెడీ. ఇక తర్వాత దానిపై ఆనందంచటమే.