గృహాలంకరణలో ప్రధాన ఆకర్షణలు!

Decor

oi-Nageswara Sharma

By B N Sharma

Published: Thursday, September 8, 2011, 9:59 [IST]

భారతీయ గృహాలంకరణ అంటే తేలికైన పనికాదు. ఒక సాంప్రదాయ గృహంలో వుండాల్సిన వివిధ వస్తువులు చాలామందికి తెలియకపోవచ్చు. ఇంటి అలంకరణ ఎలా వుండాలనేది ఊహించటం తేలికే కాని అభిరుచులుకు తగ్గట్టు అమర్చుకోడం కష్టమే. సాధారణంగా మన ఇండ్లలో వుండేవి కొన్ని స్వస్తిక్ చిహ్నాలు, దేవుడి ఫొటోలు మొదలైనవి అలంకరణలుగా చూపుతారు. అవి అభిరుచులకు సంకేతమా? కానే కాదు. భారతీయ సంప్రదాయం మేరకు ఇంటిలో అలంకరణకు ఏఏ వస్తువులు వుంటే బాగుంటాయో చూద్దాం!

1. గణేశ విగ్రహం - చక్కటి అభయాన్నిచ్చే గణేశ విగ్రహం ఇంట్లో లేకుంటే ఇంటి అలంకరణ ఎంత చేసినా చేయనట్లే. వీలైనంత వరకు గణేశ విగ్రహాన్ని ఇంటి పూజా గది లో వుంచండి. లేదంటే లివింగ్ రూమ్ లో శుభ సూచకంగా ఒక వైపుగా కూడా బాగానే వుంటుంది. ఇపుడు విగ్రహాలు వివిధ రకాల మెటీరియల్స్ తో తయారు చేస్తున్నారు. మీకు అనుకూలమైంది గది సైజును బట్టి ఎంచుకోండి.
2. పవిత్రమైన తులసి మొక్క - గతంలో పూజలకు ప్రధానమైన ఈ మొక్క పెరటిలో వుండేది. నేటి రోజులలో పెరడు వుండటం లేదు గనుక మీ బాల్కనీ లేదా ఇంటి ముందు భాగంలో ఆకర్షణీయమైన కుండీలో తులసి మొక్కను మెయిన్ టెయిన్ చేయండి. దాని ముందు నూనెతో వెలిగించిన దీపాన్ని పెడితే చూడటానికి అందంగానూ వుంటుంది. ఇంటిలోని చెడు శక్తులను కూడా తరిమేస్తుంది.
3. నేల సీటింగ్ - సాధారణంగా మన ఇండ్లలో సోఫాల కంటే కూడా నేలపై కూర్చోటానికి ఇష్టపడతారు. లివింగ్ రూమ్ కు ఒక మూలన ఆకర్షణీయమైన మేట్రెస్ వేసి దానిపై వివిధ రంగులు శాంతినికేతన్ వంటి అరుదైన డిజైన్లు కల కవర్లతో కుషన్లు వేసి వచ్చిన అతిధులకు కూర్చునేటందుకు సౌకర్యం కల్పిస్తే అద్భుతంగా వుంటుంది.
4. నటరాజ విగ్రహం - ఇది ఎప్పటికి నూతనత్వాన్ని ఇచ్చేదే. కళా నైపుణ్యతగల లేపాక్షి చేతి పనులతో కూడిన ఇత్తడి నటరాజ విగ్రహాన్ని ఇంటికి వచ్చిన వారికి బాగా కనపడేలా అమర్చండి. లేదా ఆకర్షణీయమైన రంగులతో కూడిన కృష్ణుడి విగ్రహం కూడా ఏ ఇంటికైనా సరే చక్కటి అందాన్నిస్తుంది.