ఇంటి అలంకరణలో పూలు...కొన్ని పద్ధతులు!

పూలు ఇంటిలో అలంకరించే విధానం ఎప్పటికపుడు మరింత ఆకర్షణీయంగా మారుతోంది. ఆధునికంగా వచ్చే బూకేలు, పూలగుత్తులు వివిధ డిజైన్లలో తయారు చేస్తున్నారు. మీరు చేసే పూల అలంకరణ ఆదునిక కళలను ప్రతిబింబించాలి. సాధారణమైన పూవులు వాడేకంటే, వివిధ రకాల రంగులుకల పూలు గుత్తులుగా కట్టి మీరు అలంకరించాలనుకున్న స్ధలాలలో వుంచండి. మీ ఫర్నిచర్ కూడా లైట్ కలర్స్ లో వుంచండి. సన్ ఫ్లవర్ ఎల్లో లేదా కేమేలియా పింక్ గోడలకు మీరు అలంకరించే పూలు ఎంతో అందాన్నిస్తాయి. మొదటగా ఈ అలంకరణలు పిల్లల గదిలో చేయండి, ప్రత్యేకించి మీ ఇంట్లో ఒక ఆడపిల్ల వుంటే, ఈరకమైన పూల అలంకరణ బాగుంటుంది.

వేలాడే పూల కుండీలు వస్తున్నాయి. వాటిలో వివిధ రంగుల పూలను పెట్టి కొన్ని అనువైన మూల ప్రదేశాలలో లివింగ్ రూమ్ సీలింగ్ పై వేలాడ దీస్తే ఆకర్షణీయంగా వుంటుంది. వెడల్పాటి ఒక గిన్నెలో నీరు పోసి దానిలో వివిధ రంగుల పూలను వేసి ప్రవేశ ద్వారం వద్ద పెడితే ఆకర్షణీయంగా వుంటుంది. ఇంటికి చేసే పూల అలంకరణలో తాజాపూలే కాదు, ఎండిన పూలు కూడా ఉపయోగించవచ్చు. వీటిని ఫొటో ఫ్రేములపై అంటించడం, గోడలపై వేలాడదీసే విధంగా వాటిని అమరిక చేయటం చేయవచ్చు.