కనకవర్షం కురిపించే ‘ఆ చెట్టు’ మీ ఇంట్లో ఉందా..?

Decor

oi-Sivanjaneyulu Bommu

By Sivanjaneyulu Bommu

Published: Wednesday, August 24, 2011, 17:16 [IST]

గృహాలకంరణలో భాగంగా చాలా మంది తమ ఇళ్లలో 'ఇండరో మొక్కల'ను పెంచుకుంటున్నారు. అయితే ఇప్పుడో తాజా ట్రెండ్ మొదలైంది. 'వెదురు మొక్కలను' లక్కి ప్లాంట్స్‌గా అభివర్ణించుకుంటున్న పలువురు ఈ మొక్కలను ఇళ్లలో పెంచితే 'ధన బలం' పెరుగుతుందని విశ్వసిస్తున్నారు. ఈ సంస్కృతి అలా అలా వ్యాపించటంతో ఇళ్లలోనే కాదు ఆఫీసుల్లోనూ, దుకాణ సముదాయాల్లో ఎక్కడ చూసిన ఈ మొక్కలే దర్శనమిస్తున్నాయి. చైనా నుంచి వ్యాపించిన ఈ సంస్కృతి దేశంలోని గ్రామీణ ప్రాంతాలకు సైతం విస్తరించింది.

ఈ మొక్కలను పెంచటం చాలా సులవైన పద్ధతి.. మట్టి, ఎండ దీనికి అవసరం లేదట. కుండీలో నీటిని మాత్రం క్రమం తప్పకుండా మారుస్తే చాలంట. అదృష్టాన్ని తెచ్చిపెట్టే ఈ మొక్కలు రకరకాల ఆకృతులలో రూపొందించిన కుండీలలో లభ్యమవుతున్నాయి. అయితే నీరు మాత్రమే అవసరమైన ఇండోర్ ప్లాంట్స్ ను గాజు కుండీలలో పెంచితే ఇంటికి అందం వస్తుందని విజయవాడకు చెందిన గృహిణి రాధిక అంటున్నారు.