ప్రేమను చాటే హార్ట్ షేప్ బెడ్ రూమ్ అలంకరణ!

Decor

oi-Nageswara

By B N Sharma

Published: Tuesday, October 11, 2011, 10:15 [IST]

నేటి రోజుల యువతీ యువకులు, భార్యాభర్తలు, లేదా టీన్స్ అందరికి తమ గదుల అలంకరణ పట్ల ఎంతో ఇష్టం. అందునా ప్రేమలో పడ్డ వారైతే ఇక వారి గదిలో తప్పనిసరిగా రంగురంగుల హార్టు షేపు తలగడలు, కుషన్లు ఎన్నో పెట్టుకుంటారు. మొదట్లో అలంకరణలు హోటల్ గదులకు లేదా పిల్లల రూములకు పరిమితమయ్యేవి. కాని ఇపుడు ప్రతి వారికి, ఇంటిలోని ప్రతిగదికి ప్రేమ చిహ్నాలను చూపే అలంకరణలే.

మీ బెడ్ రూమ్ అలంకరణలకు హార్ట్ షేపు ఎలా వినియోగించాలా చూద్దాం....
1. బెడ్డింగ్ - హార్ట్ ఆకారంలో వున్న తలగడలు లేదా కుషన్లు హార్టు షేపు చిత్రించబడిన బొమ్మలు బెడ్ షీట్లు లేదా రజాయిలకు వేస్తే గది అలంకరణ బాగుంటుంది. బెడ్ రూమ్ లో బెడ్ ప్రధానమైంది కనుక దానిపై వీటిని వేస్తే అలంకరణ అయినట్లే.

2. కర్టెన్లు - హార్ట్ లు ఎపుడూ కార్టూన్ లుగా వుండనవసరంలేదు. ఒక మాదిరి గీతలుగా వున్నా బాగానే వుంటుంది. కర్టెన్లు హార్టు ఆకారంలో వుంటే...బయటనుండి పడే వెలుగు హార్టు షేపులో నీడపడి బాగుంటుంది.

3. గోడల చిత్రాలు - అలంకరణలు ఎపుడూ మార్చాలనుకునేవారు గోడలను నలుపు, తెలుపు లేదా ఎరుపు రంగులతో హార్ట్ షేపులను వేసి గదిలోని ఫర్నిచర్ తో మ్యాచ్ చేయవచ్చు. పింక్, వైట్ మరియు రెడ్ రంగుల కాంబినేషన్ హార్ట్ షేపులో వేస్తే చాలా బాగుంటుంది.

4. గదిలోని టేబుల్ పైన హార్ట్ షేపులో వున్న కొన్ని వస్తువులు, గ్రీటింగ్ కార్డులు, ఎర్రటి పూలు వంటివి లేదా ఎరుపురంగు హార్టు షేపు కల మ్యాట్ గోడకు వేలాడదీయటం లేదా హార్టు షేప్ లో వున్న కార్పెట్ మొదలైనవి అలంకరణగా వుంటాయి.

5. రూమ్ లోని వస్తువులు - సువాసన నిచ్చే హార్ట్ షేపు క్యాండిల్స్, ల్యాంప్ షేడ్స్, టిష్యూ బాక్సులు, ఇతర సువాసన ద్రవ్యాలు వంటివి తక్కువ ఖర్చుతో హార్టు షేప్ అలంకరణకు ఉపయోగపడతాయి.