ఇంటి అలంకరణ బాగుంటే... ఉల్లాసం!

గదిలో నాలుగు గోడలూ అందంగా కనపడాలంటే, బజారులో దొరికే సీనరీలు లేదా మీ కిష్టమైన నటీనటులు, బేబీలు మొదలైన ఫొటోలున్న పోస్టర్లు తెచ్చి ఒక గోడకు అంటించండి. సోఫాకు దగ్గరగా కుటుంబ సభ్యులందరి ఫొటోలు గోడపై పెడితే ఇంటికి వచ్చిన అతిధులను అవి బాగా ఆకట్టుకుంటాయి. అయితే.. వాటిని ఎప్పటికప్పుడు డస్టింగ్ చేస్తూ వుంటే దుమ్ము పోయి కొత్తగా కనపడుతూంటాయి. రంగు రంగుల పూలుకల కర్టెన్లను డోర్ లకు, కిటికీలకు వేస్తే గదిలో కావలసినంత మేరకే వెలుగు వస్తూ బాగుంటుంది.

గదిమధ్యలో లేదా సోఫా సెట్టు వేసిన చోటే గది గోడలు, కర్టెన్ల రంగులకు మ్యాచ్ అయ్యే కార్పెట్ వేస్తే అది ఆధునిక అలంకరణను ప్రతిబింబిస్తుంది. అలాగే ఇంట్లో మూల చిన్న బల్ల వేసి పెద్ద పెద్ద కొవ్వొత్తులు, లేదా మీకు నచ్చిన బుద్ధుడు, నటరాజు లేదా క్రిష్ణుడి బొమ్మలుఉంచితే చూడచక్కగా వుంటుంది. వీటికి బదులుగా ఫ్లవర్ వేజ్ లేదా నిజమైన పూలు కల కుండీ ఒకటి పెడితే ఇక ఇంటికి సింపుల్ ఆకర్షణ పూర్తయినట్లే.