వెలుగులు చిమ్మండి...ఇలా....!

1. రంగు కాగితాలు కొనుగోలు చేయండి. బల్బులను వాటితో పూర్తిగా కవర్ చేసి రంగురంగుల బల్బులుగా వెలిగించండి. పసుపు రంగు అధికంగా పెడితే, ఇల్లంతా బంగారంగా వెలుగులతో మెరిసిపోతుంది.

2. ప్రమిదలపై ఇంటిలో వున్న లాంతరు లేదా దీపాల గ్లాసులను పెట్టి వాటికి అలంకరణ చేస్తే లైటింగ్ బయటకు వస్తూ చాలా బాగుంటుంది.

3. సముద్రపు గవ్వలు వంటివి కూడా దీపాలకు అలంకరించి విభిన్న అలంకరణ చేయవచ్చు.

4. మీ పాత గాగ్రా స్కర్ట్ లేసు లేదా ఇతర జరీ లు దీపాల క్రింది భాగంలో కడితే మంచి అలంకరణగా వుంటుంది.

5. పాత న్యూస్ పేపర్ ను మెత్తగా చేసి నీరు ఫెవికాల్ కలిపి గుజ్జులా చేయండి. దీనిని ప్రమిద చుట్టూ పూసి ఆరనివ్వండి. ఈ ప్రమిదలకు వివిధ రంగులు వేయండి. రంగు రంగుల ప్రమిదలలో దేదీప్యమానంగా వెలిగే దీపాలు ఇంటికి ఎంతో అందాన్నిస్తాయి.

ఇదే రకమైన అలంకరణలు ఇంటిలో వున్న చిన్నపాటి కుండలకు, పాత్రలకు కూడా చేసి దీపాలు కనబడే విధంగా చేయవచ్చు. వీటినే అలంకరణ తీసేసి మీ డ్రాయర్ సొరుగులో పడవేస్తే మరల మరుసటి సంవత్సరం దీపావళి పండుగకు వాటిని కొత్త రకంగా అలంకరించి వాడుకోవచ్చు.