ఆడపిల్ల గది అలంకరణ ఎలా వుండాలి?

Decor

oi-Nageswara

By B N Sharma

Published: Saturday, October 1, 2011, 15:18 [IST]

కొద్దిపాటి శ్రమ పడితే ఇంటిలోని సామాన్య ఇతర గదులవలే కాకుండా మీ కుమార్తె గది ప్రత్యేకంగా వుంటుంది. బిజీ జీవితాలలో ఆమె కవసరమైన ఇష్టా అయిష్టాలకు మనం చోటివ్వం. కాని మీ ఇంటి యువరాణి ఆహ్లాదకర బాల్యాన్ని గడపాలంటే ఆమె గది అలంకరణ చక్కగా చేసి చూపండి. ఆడపిల్లల గదికి పింక్ రంగు మగ పిల్లల గది అయితే నీలి రంగు బాగుంటుంది. బేబీ పింక్ కలర్ గది అలంకరించటానికి అన్ని రంగులకంటే కూడా బాగుంటుంది. లేదంటే డీప్ రెడ్, లైట్ వయోలెట్, ఎల్లో కూడా ప్రయత్నించండి. నీలిరంగు, ఆకుపచ్చ రంగు మగపిల్లలకు వదిలేయండి.

ఇక బేబీ గది అలంకరణ కార్టూన్ బొమ్మల అంశాలతో వుండాలి. ఉదాహరణకు యువరాణి అంశం నేటి రోజుల్లో బాగుంటోంది. ఊయల లేదా మంచం అలంకరించి గదిలో పెట్టండి. గదికి లేసు కర్టెన్లు వేయండి. ఇవి దోమతెరలుగా కూడా పనిచేస్తాయి. ఊయల చుట్టూ రిబ్బన్లు, బొమ్మలవంటివి కట్టండి. మీ బిడ్డ కొద్దిగా పెరిగి పెద్ద అయిన తర్వాత కూర్చునేటందుకుగాను ఒక బేబీ కుర్చీ వేయండి. కార్టూన్ బొమ్మల ఆధారిత రూమ్ అలంకరణే కాక, ఇతర కధలైన సిండ్రెల్లా లేదా స్నోవైట్ వంటివి కూడా గదిలో వేసి అలంకరణ చేయవచ్చు. పెయింట్ కు బదులుగా వాల్ పేపర్లతో కూడా అలంకరణ చేయవచ్చు. రెడీమేడ్ గా మార్కెట్ లో దొరికే కార్టూన్ స్టికర్స్ కొనుగోలు చేసి అలంకరించవచ్చు. లేదంటే ఆర్టిఫిషియల్ పువ్వులను తీసుకువచ్చి గది అలంకరించండి. సహజమైన పువ్వులు వాడవద్దు. వాటిలో కొన్ని బేబీకి అలర్జీ కలిగించగలవు. లేదా వాటిలో ఏవైనా పురుగులు వుంటే బేబీని కుట్టగలవు.

మీ బేబీ గది అలంకరణ ఎలా వుండాలంటే ఆమె 16 ఏళ్ళ వయసు వచ్చేసరికి కూడా తన తల్లితండ్రులు తనకోసం అభిరుచితో అలంకరించిన ఆగదిని ఇష్టపడేట్లు తయారు చేయాలి.