సాంప్రదాయ డిజైన్లలో బెడ్ షీట్లు!

కాంతా పనితనం - ఇది బంగ్లాదేశ్, పశ్చిమ బెంగాల్ ప్రాంతాలలో పేరొందిన ఎంబ్రాయిడరీ పనితనంతో కూడుకున్న డిజైన్లు. కాటన్ బెడ్ షీట్ చివర్లను ఎంబ్రాయిడరీతో కుట్లు వేస్తారు. రంగురంగుల పూలు, జంతువులు, పక్షులు మొదలైనవి ఈ పనితనంలో వుంటాయి.

గుజరాత్ ఎంబ్రాయిడరీ - గాఢమైన ఎరుపు, ఆకుపచ్చ, క్రీము, ఇండిగో, నీలం, పసుపు, పింక్ మొదలగు రంగుల్లో వుంటాయి. గుజరాత్ ఎంబ్రాయిడరీలో మంచి రొమాంటిక్ మూడ్ వుంటుందంటారు. ఒకే బెడ్ షీటులో వివిధ రంగుల గుడ్డ ముక్కలను జత చేస్తారు. వాటికి మరింత ఆకర్షణీయంగా అద్దాల ముక్కలను అమరుస్తారు.

ఫూల్ కారి డిజైన్ - ఈ పనితనం పంజాబు పనివారలది. కాటన్, లినెన్, సిల్కు బట్టలపై పూల డిజైన్లతో ఎంబ్రాయిడరీ చేస్తారు. వివిధ రంగులలో గీతలు కలిగి వుంటాయి. ఇవి పిల్లల బెడ్ రూమ్ లేదా అతిధుల బెడ్ రూమ్ లలో వేయడానికి బాగుంటాయి.

చికన్ డిజైన్ - ఇది సాధారణంగా మన ప్రాంతంలో అందరూ వాడే డిజైన్. కాటన్ గుడ్డపై చికన్ పని చేస్తారు. చాలాకాలం మన్నుతుంది. బెడ్ రూమ్ సాంప్రదాయకంగా వుంటుంది.

బ్లాక్ ప్రింట్ - చెక్కతో ప్రింట్లు వేస్తారు. బెడ్ షీట్లకు ప్రధానంగా దీనినే ఆచరిస్తారు. వివిధ రంగులు, డిజైన్లలో బెడ్ షీట్లు ఈ బ్లాక్ ప్రింట్ లలో ఆకర్షణీయంగా వుంటాయి.