కిచెన్ గోడలకు ఎర్రరంగు వాడటంలో ప్రయోజనమేమిటి?

By B N Sharma

Published: Friday, October 7, 2011, 11:28 [IST]

ఎరుపు ప్రేమకు, కోపానికి సంకేతం. అందుకనే వాస్తు నిపుణులు బెడ్ రూమ్ కు ఎర్ర రంగు వాడవద్దంటారు. మీలో దాగివున్న కోపాన్ని సైతం ఈ రంగు బయటకు తెస్తుంది. అయితే, ఎర్రరంగు ఆకలికి చిహ్నంగా కూడా చెపుతారు. నేడు మనం చూస్తున్న పెద్ద పెద్ద రెస్టారెంట్లు పరిశీలించితే....కనీసం వారి లోగోకైనా సరే వీరు ఎర్రరంగు వాడతారు. ఉదాహరణలకు మెక్ డోనాల్డ్, కెన్టకీ ఫ్రైడ్ ఛికెన్, పిజ్జాహట్, మొదలైనవి. ఏది ఏమైనప్పటికి రంగుల్లో ఎరుపు రంగు ఆకలిని పెంచుతుంది కనుక కిచెన్ గోడలకు ఎరుపు మంచిదే. ఎరుపురంగు బాగా కళ్ళకు కొట్టవచ్చేలా కనపడుతుందని చాలామంది వాడరు. కనుక ఎరుపు రంగు కిచెన్ గోడలకు వేయకుండా ప్రత్యామ్నాయంగా కిచెన్ లో ఎరుపు ఎలా వాడాలో చూద్దాం!

మీరు కనుక టైల్స్ కిచెన్ లో వేయిస్తున్నట్లయితే, దానిని ఎరుపు రంగు టైల్స్ గా వేయించండి. లేదంటే తెలుపు టైల్ తో కలిపి ఎరుపును ఉపయోగించండి. లేదంటే, షెల్ఫ్ భాగాలపై రెడ్ వేయవచ్చు. కిచెన్ గోడలు పూర్తిగా ఎరుపు వేయరాదనుకుంటే, వాల్ పేపర్లు ఉపయోగించండి. ఇవి ఎపుడు కావాలనుకుంటే అపుడు మార్చుకోవచ్చు. వ్యయం కూడా తక్కువే. చాలా సౌకర్యంవంతంగా వేసేయవచ్చు. లేదా, ప్రతి కిచెన్ లోను సాధారణంగా కేబినెట్ లు వుంటాయి. గోడలకు మరీ బ్రైట్ గా వుంటుందనుకుంటే రెడ్ కలర్ ను కిచెన్ కేబినెట్లకు వేయించండి. రెడ్ ను వైట్ తో కలిపి వేస్తే కూడా బాగుంటుంది. లేదా మీరు ఉపయోగించే క్రోకరీని రెడ్ కలర్ లో వుండేదిగా చూడండి. ఆ రంగు బోర్ కొట్టిందనుకుంటే క్రోకరీని మార్చవచ్చు.

అలాగే, కిచెన్ స్లాబ్ కు సాధారణంగా వాడే గ్రానైట్ కు బదులుగా ఎర్ర రాళ్ళు వాడవచ్చు. లేదంటే కిచెన్ లో వివిధ సరుకులు నిలువచేసుకొనేటందుకు ఉపయోగించే సీసాలు, జార్లు రెడ్ కలర్ వాడితే కూడా కంటికింపుగా వుంటుంది. కిచెన్ లో గనుక డైనింగ్ టేబిల్ వుంటే దానిని అక్కడ వాడే నేప్ కిన్స్ ను కూడా రెడ్ కలర్ లో వున్నవిగా వాడవచ్చు. ఈ రకంగా మీ ఎంపికను బట్టి వివిధ షేడ్లలో వివిధ కిచెన్ ప్రదేశాలలో రెడ్ కలర్ వాడవచ్చు. ఎరుపు వేసినందువలన మరో ప్రయోజనమేమంటే, కిచెన్ లో సాధారణంగా వచ్చే బొద్దింకలు ఎరుపు రంగుకు దూరంగా వుంటాయి. ఎరుపు కనపడితే చాలు అతి మక్కువగా మీరు చూసుకునే మీ కిచెన్ లోకి బొద్దింక దాడిచేయకుండా కూడా వుంటుంది.

కనుక పైన తెలిపిన వాటిలో అవకాశాన్నిబట్టి మీకిష్టమైన చోట ఎరుపు రంగు వాడి ప్రయోజనం పొందండి.