అక్వేరియం కొనాలనుకొంటున్నారా...?

Decor

oi-Saraswathi

By Sindhu

Published: Monday, January 16, 2012, 13:04 [IST]

ఇళ్లలో ప్రేమగా జంతువులను ఎలా పెంచుకుంటామో.. కొందరు అక్వేరియంలో చేపల్ని కూడా అలానే పెంచుతారు.. మరికొందరేమో ఇంటి అందానికి అక్వేరియం పెట్టుకుంటారు.. ఏదేమైనా అక్వేరియం ఇంట్లో ఉంటే మనకు ఉపయోగాలు కూడా ఉన్నాయట..ఈదుతున్న చేప పిల్లలను కాసేపు చూస్తూ కూర్చుంటే అలసిన మనసుకు కాస్త విశ్రాంతి దొరుకుతుందని, దైనందిన వ్యవహారాలతో సొలసిన తరుణంలో స్వేచ్ఛగా తిరుగాడే ఆమీనాల కేసి చూసే ఒక్క క్షణం వీక్షణం మన ఆలోచనల్లో మార్పు తెస్తుం దని శాస్త్రజ్ఞులు అంటారు. పెంపుడు జంతువులతో ఆడుకోవడం విశ్రాంతి నిచ్చినట్లుగానే ఆక్వేరియంలో తిరుగాడే రంగుల చేప పిల్లలను చూస్తూ గడిపే క్షణాలు కూడా మనసుకు సాంత్వన కలిగిస్తాయని అంటున్నారు.

జాగ్రత్తలు..
1. అక్వేరియంలో మున్సిపాలిటీ వారు సరఫరా చేసే నీటిని పోయకూడదు. పోస్తే రెండుమూడు రోజులకోసారి మార్చాలి.
2. అక్వేరియంలోని నీటిని ప్రతి పది రోజులకు ఒకసారి మార్చాలి. చేపలకు రెండు పూటలా మేత వేయాలి. రెండు జతల చేపలకు నెలకు సుమారు రూ.30 ఖర్చవుతాయి.
3. చనిపోయిన చేపలను తొలగించాలి.
4. అనారోగ్యం బారిన పడినవాటిని తోక వద్ద ఏర్పడిన మచ్చల ద్వారా గుర్తించవచ్చు.
5. కొన్ని రకాల చేపలకు ఆక్సిజన్‌ తప్పనిసరిగా అవసరం వుంటుంది. అలా కాకుండా వాటిని చిన్న చిన్న టబ్బుల్లో పెట్టడం వల్ల అవి త్వరగా చనిపోయే అవకాశం వుంటుంది.
6. ఆహారం కూడా వాటికి నిర్దిష్ట పరిమాణంలోనే వేయాలి. ఎక్కువగా వేయడం వల్ల వాటికి హాని జరుగుతుంది.
7. నీటిని కూడా తరచూ మార్చుతూ వుండాలి. చిన్నది అయితే రెండు రోజులకు ఓ మారు మార్చుతూ వుండాలి. పెద్దది అయితే వారానికి ఓ సారి మార్చినా పర్వాలేదు.