ఈ ఫర్నీచర్ లోనే ఉంది అసలు సుఖం...

Published: Tuesday, February 21, 2012, 13:24 [IST]

గృహ అలంకరణలో ఒక్కో వస్తువుకు ఒక్కో ప్రాధాన్యత ఉంది. అందులో ముఖ్యంగా ఫర్నీచర్, హాల్లో హుందాగా కొలువుతీరే సోఫాలు, ఆతిథ్యానికి వేదికలుగా మారే టీపాయిలు, మనస్సు ఆహ్లాదపరిచే ఫిష్ టాంక్స్, ఫ్లవర్ వాజ్ లు, చిన్న పిల్లలు ఇష్టంగా ఊగే ఉయ్యాలలు, ప్లోటింగ్ అల్మారాలు, ఫోటోల అలంకరణనలు..తదితరాలు అయితే కాలానికి అనుగుణంగా మార్కెట్లో మరెన్నో ఉత్పత్తులు లభ్యమవుతున్నాయి. ఆ ఉత్పత్తులు కూడా వివిధ రూపాల్లో..వివిధ వస్తువులతో(ఐరన్, సిల్వర్, లెదర్, వెదురు, టేకు, కేన్ ) తయారైనవిదొరుకుతాయి. ముఖ్యంగా కేన్ ఫర్నీచర్ తో ఇంటి సొగసులు బయటపడుతాయి. కేన్ ఫర్నీచర్ ను ప్రతిరోజూ కాస్త శుభ్రపరచుకుంటే ఆ ఇంటివారిని, ఇంటికొచ్చే అతిథులనూ అలరిస్తుంది.

1. కేన్ ఫర్నీచర్ మొదట్లో కొన్నప్పుడు కళకళామెరిసిపోతుంటుంది. తర్వాతతర్వాత కొద్దిగా వెలిసినట్టుగా మారిపోతుంది. దానికోసం పాలీస్ చేయించాల్సిన అవసంర లేదు. కొద్దిగా నిమ్మరసం గోరువెచ్చని నీటిలో కలపి మెత్తని వస్త్రంతో తుడిస్తే చాలు. తిరిగి యాథాస్థితికి వచ్చేసి తళతళలాడుతూ కొత్తవాటిలా మారిపోతాయి.

2. ఇంట్లో మనం ఉపయోగించే ఏదేని ఫర్నీచర్ ను శుభ్రంచేశాక ఫర్నీచర్ ను పూర్తిగా ఆరనివ్వాలి. ఆరక ముందే కుషన్లు, పరుపులు వేసెయ్యకూడదు.

3. గోరువెచ్చని నీటిలో కొద్దిగా డిటర్జెంట్ కలిపి మెత్తని వస్త్రంతో శుభ్రంచేసినా చాలు అవి మెరిసిపోతాయి.

4. ఇంట్లో బాగా వేడి తగిలేచోట కేన్‌ ఫర్నిచర్‌ ను పెట్టకూడదు. వుడ్ చీలిపోయే ప్రమాదం ఉంది. కేన్‌ ఫర్నిచర్‌ వుంచడానికి అనువైన స్థలం ఇంటి లోపలే నీడపట్టున వుంటేనే వాటిలోని అందం ఇనుమడిస్తుంది. అవుట్ డోర్ లో వేయాలనుకొన్నప్పుడు నీడ పడే ప్రదేశంలో వేసుకోవాలి.

5. కేన్‌ ఫర్నిచర్‌ ను మొదట్లో చాలా బాగా ఉపయోగిస్తారు అయితే పోనుపోనూ.. కట్లు, మేకులు వదులవడం, కర్రలు విరిగిపోవడం. ఇవన్నీ చాలాకాలం వాడిన తర్వాత వచ్చే ఇబ్బందులు. అలాంటపుడు కొద్దిగా శ్రద్ధ తీసుకుంటే చాలు. వీటన్నింటికీ ఒకసారి ఫర్నిచర్‌ తయారుచేసేవారిని పిలిపించి సరిచేసుకోవడం ఉత్తమం. అప్పుడే వాటికి కాస్త పాలీష్‌ పెట్టించేశామా... ఇక తిరిగి చూడాల్సిన పనుండదు. కేన్ ఫర్నీచర్ అందమైనదే కాదు వెల తక్కువ కూడానూ..మరి ఇలాంటి ఫర్నీచర్ మన ఇట్లో కూడా ఉంటే ఎంత బాగుంటుందో....