మనస్సును... మన హావ భావలను ప్రభావితం చేసే రంగులు...!

Decor

oi-Saraswathi

By Sindhu

Published: Friday, June 22, 2012, 17:26 [IST]

సాధారణంగా అందగా అలంకరించుకోవటం... అందంగా డ్రెసెప్ప్ అవడం ఇవన్నీ వారి, వారి అందాన్ని రెంటిపు చేయడానికి, ఇతరులను ఆకర్షించడానికి, ఓ రకంగా రక్షణగా కూడా మనల్ని మనం అలంకరించుకుంటాం. అదే విధంగా మన ఇల్లు... పది కాలాల పాటు మనకు రక్షణ కల్పించాల్సి ఇల్లు మనం అలంకరించుకునే విధానం బట్టి ఉంటుంది. ఇల్లు కట్టేయగానే సరిపోదు. అది పెట్టుకొనే విధానం తెలుసుండాలి. ఇల్లు మనకు రక్షణ కల్పించేటప్పుడు. మనమూ మన ఇంటి రక్షణ కల్పించాలి. అప్పుడే మనం ఆ ఇంట్లో సుఖంగా... ప్రశాంతంగా జీవించ గలం. ఎంత అందంగా ఇంటి కట్టినా కూడా కొందరు ఇంటికే వేసే రంగుల్లో సరైన నిర్ణయం తీసుకోక ఇంటి అందాన్నే పోగొడుతుంటారు. కాబట్టి ఇంటి ఎలాంటి రంగులు వేసుకొంటే అందం, ఆకర్షణతో పాటు ప్రశాంతత లభిస్తుందో చూద్దాం..

ప్రతి ఇంటికి రంగులు వేద్దామని ఆలోచన వచ్చినపుడు ఏదో హడావిడిగా రంగులు వేయించడం కాకుండా ఏ రంగులయితే మనసుకు ప్రశాంతతను, ఇంటికి అందాన్ని ఇస్తాయో తెలుసుకుని ఆవిధంగా వేయించుకుంటే మంచిది. ఎందుకంటే రంగుల ప్రభావం మన మనసుపై ఎక్కువగా పడే అవకాశాలున్నాయని మానసిక నిపుణులు చెబుతున్నారు. అయితే ఇంట్లో ఏ గదులకి ఎలాంటి రంగులను వేస్తే ఎలాంటి ప్రభావం ఉంటుందో, అవి మనం మూడ్‌ మార్పుకు ఎలా దోహదం చేస్తాయో తెలుసుకుందామా..!

రంగులో ఎన్నైనా ఇతర వాటికంటే కాస్త ఎక్కుగా కనిపించే రంగు ఎరుపు, పసుపు పచ్చ, నారింజ, గోధుమ, పాలిపోయినట్లు కనిపించే ఇసుక రంగులు విశ్రాంతికి గదులకు బాగుంటాయి. ఈ రంగులు వేస్తే కుటుంబ సంబంధాలు బలపడటమే కాక ఇతరుల పట్ల అభిమానం, సంబంధాలను ఏర్పరుచుకోగలుగుతారు. ఇక అన్నిటికంటే ముఖ్యమైనది బెడ్‌ రూమ్‌. విశ్రాంతి తీసుకుని జీవిత భాగస్వామితో ఆనందంగా గడపడానికి అవసరమైనది పడకగది. నీలం, ఆకుపచ్చ, లావెండర్‌ రంగులు పడకగదిలో ప్రశాంత వాతావరణానికి దోహదపడతాయి.

ఈ రంగులు ముదురుగా ఉంటే వాటిప్రభావం మరింత ఎక్కువగా ఉంటుంది. ఎరుపు రంగు రక్తపోటును, గుండె వేగాన్ని పెంచుతుంది. కార్యకలాపాలను వేగిరపరుస్తుంది. నీలం దీనికి పూర్తి భిన్నమైన ప్రభావాన్ని కలుగజేస్తుంది. వంట గది విషయానికొస్తే ఎరుపు, పసుపు రంగులు బాగుంటాయి. ఎరుపు రంగు డైనింగ్‌ హాలులో ఉన్నట్లయితే మనకు తెలియకుండానే ఎక్కువ ఆహారాన్ని తినడం జరుగుతుంది. సరదా కబుర్లు చెప్పుకుంటూ ఆనందంగా గడిపేటట్లు ఈ రంగు ప్రభావం చూపుతుంది. అతిథులతో సంభాషణలకు, ఆకలిని పెంచడానికి ఎరుపు రంగు దోహదం చేస్తుంది. అయితే డైటింగ్‌ చేయాలనుకున్నట్లయితే భోజనం చేసే గదిలో ఎరుపు రంగు లేకుండా చూసుకోవడం మంచిది.

స్నానాల గదికి ఎలాంటి రంగు వేయాలి అని చూస్తే తెల్లగా, తీక్షణంగా ఉండే రంగులు వేస్తే మంచిది. అవి పరిశుభ్రతకు, స్వచ్ఛతకు సూచికలుగా నిలుస్తాయి. తక్కువ ఖర్చు కూడా అవుతుంది. తొందరగా పాడయినా ఆ రూమ్‌ వరకు తిరిగి వేసుకొనే అవకాశం ఉంటుంది. పెద్దపెద్ద భవనాల్లో అయితే నీలం, ఆకుపచ్చ, వైఢూర్యం రంగులు బాగుంటాయి. ఇవి ఏకాంతంగా గడపడానికి ఎంతో సహాయం చేస్తాయి. ఆఫీసు పని ఒత్తిడితో అలసిపోయే మనసుకు ఊరటనిచ్చేది ఇల్లే కాబట్టి ప్రశాంతంగా ఉండేలా రంగులు ఎంపిక చేసుకోవాలి.