కలిసి ఆనందించే అద్భుతం సౌకర్యం...

Decor

oi-Saraswathi

By Sindhu

Published: Friday, March 30, 2012, 17:01 [IST]

ప్రతి ఇంటికి అలంకరణ అవసరం. అలంకరణ లేనిదే ఆ ఇల్లు చూడటానికి వీలుకాదు. ప్రస్తుతం మార్కెట్లో లభ్యమైయ్యే రకరకాల ఆధునిక, సాంకేతిక వస్తువులతో ప్రతి ఒక్క గదిని అందంగా..ఆకర్షణీయంగా అలంకరించుకొంటున్నారు. ఇంటి అలంకరణలో ఒక్కో గదికి ఒక్కో ప్రాధాన్యత ఉంటుంది. ఏ గదిలో అమర్చాల్సిన వస్తువులు ఆగదిలో పెట్టుకొన్నప్పుడే ఆ గదులకు అందం చేకూరుతుంది. ప్రతీ వస్తువు అత్యంత కళాత్మకంగా ఉండాలి. గదులు వేరైనప్పటికీ, వాటి అలంకరణలో తేడా ఉన్నప్పటికీ, వాటి మధ్య సారూప్యం ఉంటే ఇంకా బాగుంటుంది. వంటగది, లివింగ్ రూం, డైనింగ్, పూజగది, డ్రాయింగ్ రూం వేటి అవే సాటి. ఇంటీరియర్ డెకరేషన్ లో ముఖ్యంగా డ్రాయింగ్ రూం అందాన్ని మరింత పెంచుతుంది.

డ్రాయింగ్‌ రూమ్‌ను ఎలా సర్దుకోవాలంటే అందులోకి ప్రవేశించగానే విశ్రాంత భావన పొందేలా చూసుకోవాలి. డ్రాయింగ్ రూంలో కార్పెట్ తో పాటు ఖరీదైన ఫర్నిచర్ ఉన్న ఒక్క గదిచాలు డ్రాయింగ్ రూం అందాన్ని పెంచేందుకు...‘వామ్’ లుకింగ్ ని ఇస్తుంది. కనుక ఫర్నిచర్‌ను గోడలకు తగిలించి పెట్టడం కాకుం డా దాన్ని మధ్యలో గుండ్రంగా వచ్చేలా సర్దుకుంటే వచ్చిన అతిథులు కూడా సౌకర్యాన్ని పొందగలుగుతారు.

డ్రాయింగ్ రూమ్‌ లో ‌కళాకాంతులు తెచ్చే ఇత్తడి ఫర్నిచర్, ఉడ్ ఫర్నిచర్‌ ను అమర్చుకోవచ్చు. సోఫాలు, మంచి కళాత్మకమైన పెయింటింగ్స్, చక్కటి క్రోటన్ మొక్కలు, ప్లవర్ వాజ్‌ లు ఏవిధంగా ఉంటే ఇతరులను ఎక్కువగా ఆకర్షించ కలుగుతుందో అలా అమర్చుకోవాలి.

డ్రాయింగ్‌ రూమ్‌లో అద్దాలు ఏర్పాటు చేసుకునేటప్పుడు అత్యంత జాగ్రత్తగా వ్యవహరించాలి. ఎందుకంటే వాటిని సరిగా పెట్టకపోతే ప్రతికూల శక్తి ప్రవహిస్తుంది. అందుకే వాటిని ఏర్పాటు చేసే సమయంలో అవి మీకిష్టమైన వాటిని, మీరు పదే పదే చూడాలనుకునే వాటినీ ప్రతిఫలించేలా ఏర్పాటు చేసుకోండి. ఉదాహరణకు కిటికీలోంచి మీకిష్టమైన సీనరీని చూసేలా...సర్ధుకోవాలి. ఫర్నిచర్‌ ను గోడలకు తగిలించి పెట్టడం కాకుండా దాన్ని మధ్యలో గుండ్రంగా వచ్చేలా సర్దుకుంటే వచ్చిన అతిథులు కూడా సౌకర్యాన్ని పొందగలుగుతారు.

డ్రాయింగ్‌ రూంను అట్టహాసంగా ఏర్పాటు చేసుకుంటున్నామనే భావనతో కిక్కిరిసిపోయినట్టుగా ఫర్నిచర్‌ను పెట్టకూడదు. అలాగే టివిని లేదా సౌండ్‌ సిస్టంను ప్రముఖంగా పెట్టకూడదు. మెత్తటటి కుషన్లను లేదా పువ్వులను పెట్టి దాన్ని మరింత ఫెమినైన్‌గా ఉం డేలా చూడాలి. అలా అని ఎండిపోయిన పువ్వుల ను పెట్టకూడదు. ఇక డ్రాయింగ్‌ రూంకు వేసే రంగులు లేతవిగా, ఆహ్లాదం కలిగించేవిగా ఉండాలి. పేసల్‌ కలర్స్‌ అద్భుతంగా ఉంటాయి.