ఇంటి శోభను ఉట్టిపడేలా చేసే బాహ్యఅలంకరణ

Decor

oi-Saraswathi

By Sindhu

Published: Thursday, March 15, 2012, 12:48 [IST]

ఒక ఇంటిని ఆకర్షణీయంగా, చూపరులను ఇట్టే కట్టిపడేయాలంటే బాహ్యాలంకరణ (ఎక్స్‌ టీరియల్‌ డెకరేషన్‌)తోనే సాధ్యం. ఎలాంటి గృహ నిర్మాణానికైనా అందమైన రూపాన్ని ఇవ్వడంలో ముఖ్య పాత్ర పోషిస్తుంది. ముఖ్యంగా ఇంటి గోడలకు వేసే రంగులతోపాటు ఇంటికి అమర్చే విద్యుత్‌ దీపాలు, ముఖద్వారాలు, కిటికీలు ముఖ్యమైనవి. వీటి విషయంలో ప్రత్యేక శ్రద్ధ తీసుకుంటే ఆ ఇల్లు అందరిని ఆకట్టుకోవడం ఖాయం. ఇక ఇంటికి కళ తీసుకురావడంలో ముఖ్యమైన రంగుల విషయంలో ఎబ్బెట్టుగా కనిపించే ముదురు రంగుల కంటే లేత రంగులే బాగుంటాయి. తక్కువ ధరల్లో వచ్చేవి కాకుండా నాణ్యమైన రంగులను వాడటం వలన ఎక్కువ కాలం నిలిచి ఉంటాయి.

అలాగే ఎండకీ, వానకీ, చలికీ తట్టుకునే రంగులు మార్కెట్లో అందుబాటు లో ఉన్నందున వాటిని తీసుకోవడమే శ్రేయస్కరం. ఇంటి కాంపౌండ్ గోడలకు కూడా ఆకట్టుకునే రంగలనే వినియోగించాలి. వీటి విలువ సాధారణమైన రంగుల కంటే కాస్త ఎక్కువైనప్పటికీ ఎక్కువకాలం ఉండగలుగుతాయి. ఇక ముఖద్వారాలు, కిటికీలకు ప్లాస్టిక్‌ వాడకం కంటే నాణ్యమైన కలపను వాడటమే మేలు. చక్కటి డిజైన్లను కలిగిన కలపకు ఇప్పుడు ..పాలిష్‌, వార్నిష్‌ లు అంటించి బిగిస్తున్నారు. అలా చేయడం వల్ల సహజంగా కనిపితస్తుంది. దాంతో ఇల్లు మరింత అందంగా కనిపిస్తుంది.

అలాగే విద్యుత్‌ దీపాలలో విద్యుత్‌ వినియోగం తగ్గించే పవర్‌ సేవర్ల వంటి వాటిని వాడాలి. నేరుగా కంటిపై వెలుతురు పడే వాటి కంటే ఫ్లూరోసెంట్‌ బల్బులు వాడటమే ఉత్తమం. ఇంటి కాంపౌండ్ గోడలతోపాటు, ప్రధాన ద్వారానికి ఆకర్ష ణీయమైన విద్యుత్‌ దీపాలను అమర్చితే ఇంటి శోభ మరింత ఉట్టిపడుతుంది.