ఫ్లవర్ వాజ్ లో పువ్వులు ఫ్రెష్ గా ఉండాలంటే...

Decor

oi-Saraswathi

By Sindhu

Published: Tuesday, February 28, 2012, 16:38 [IST]

ఇంట్లో పుష్పాలంకరణ చేయగానే సరిపోదు. ముందుగా గదుల విస్తీర్ణం, వాటిని ఏ స్థలంలో అలంకరణ చేయాలి.వాటి బ్యాక్‌ గ్రౌండ్‌ ఎలా ఉండాలి..అవి అందరికీ నచ్చుతాయా? లాంటి విషయాలపై అవగాహన ఉండాలి. విశాలమైన స్థలం ఉన్న గదులలో రెండు రకాల అలంకరణలు చేస్తే బాగుంటుంది. ఇలాంటి చిన్న చిన్న జాగ్రత్తలు తీసుకుంటే పువ్వులతో అలంకరణ ఇంటికి చక్కని శోభనిస్తుంది. ఫంక్షన్లో కూడా పదిమందీ మీరు చేసిన అలంకరణపై దృష్టిని కేంద్రీకరిస్తారు. ఇంట్లో ఫ్రెష్ గా ఉన్న పువ్వులను చూస్తే తనువు పులకిస్తుంది. అందుకే వాటిని ఇంట్లో ఫ్లవర్ వాజుల్లో అందంగా అమర్చుకుంటాం. మరి అవి వాడిపోకుండా ఎక్కువ సమయం తాజాగా ఉండాలంటే ఏం చేయాలో తెలుసుకుందాం.

1. రంగురంగుల పువ్వులను సిద్ధం చేశాక కాడల్ని అంగుళం మేర కత్తిరించాలి. ఆ తరవాతే అవి సగం మునిగేవరకూ నీళ్లు పోయాలి. ఈ పువ్వులు నాలుగైదు రోజులు తాజాగా ఉండాలంటే... అందులో ఆస్ప్రిన్‌ మాత్రను పొడిచేసివేస్తే చాలు. పువ్వులు, ఆకులు ఎక్కువ సమయం తాజాగా ఉంటాయి. ఇలా రోజుకోసారి నీళ్లు మార్చుకొని పొడి వేయాలి.
2. వారానికోసారి ఫ్లవర్ వాజులను శుభ్రపరచుకోవాలి. వాటిని ముగ్గు పొడితో కానీ నిమ్మ తొక్కతో కానీ రుద్ది కడిగితే మురికి వదిలిపోతుంది. అలానే వాజులో నీళ్లు తీసుకుని ఒక రాగి నాణేన్ని వేసి చూడండి. పువ్వులుతాజాదనంతో వికసిస్తాయే తప్ప వాడిపోవు.
3. ఇంట్లో ఖాళీ అయిన హెయిర్‌ స్ప్రే బాటిల్ లో నీళ్లు నింపి అప్పుడప్పుడు ఆకులు, పూరేకలపై చల్లుతూ ఉంటే వాడిపోకుండాఉంటాయి.శీతలపానీయాలు కూడా పువ్వులు వాడిపోకుండా కాపాడతాయి. పానీయాలు, సోడా వంటివి అందుబాటులో ఉంటే వాజులో కొద్దిగా వేయండి. అందులో ఉండే చక్కెరలు పువ్వులను తాజాగా ఉంచుతాయి.
4. ప్లవర్ వాజ్ లో సాల్ట్ కల్పిన నీరు పోస్తే ప్లవర్స్ ఎక్కువ కాలం ఫ్రెష్‌గా ఉంటాయి. కప్పు గోరువెచ్చటి నీటిలో మూడు చెంచాల పంచదార, రెండు చెంచాల వెనిగర్‌ కలిపి.. వాజులో పోయాలి. వెనిగర్‌ పువ్వులకు బ్యాక్టీరియా వ్యాపించకుండా కాపాడుతుంది. వారం రోజుల పాటు పువ్వులను మార్చుకోనక్కర్లేదు.
5. పువ్వులు కొద్దిగా వడలినట్లు కనిపిస్తున్నాయా.. అయితే పువ్వుల్ని పూర్తిగా తొలగించాల్సిన అవసరంలేదు. అలా వడలిన రేకల్ని మాత్రమే కత్తిరించండి సరిపోతుంది.
6. ఫ్లవర్ వాజ్ లో పువ్వులు అమర్చేటప్పుడు ఒక్కోసారి వాటి కాడలు వంగిపోయి ఉంటాయి. అలాంటప్పుడు కాడల్ని సన్నగా చేసి స్ట్రాలో అమర్చి వాజ్ లో పెట్టుకుంటే సరి! రంగురంగుల స్ట్రాలైతే వాజ్ అందం మరింత ఇనుమడిస్తుంది.