ఫ్రిజ్ కొంటేనే సరిపోదు వాటి విలువలూ తెలుసుకోండి

Decor

oi-Saraswathi

By Sindhu

Published: Tuesday, January 17, 2012, 14:36 [IST]

కాలంతో సమానంగా పరుగులు పెట్టే జీవితాల్లో సమయం కలిసివస్తుందన్న ఆలోచనలు కొందరివైతే, మరికొందరు తమ హోదా ఇతరులకు తెలియ జేయడం కోసం మార్కెట్లోకి వచ్చే క్రొత్త వస్తువులను కొనడం చేస్తుంటారు. చాలామంది గృహావసరాలకు గ్రైండర్‌, కుక్కర్‌, తదితరాలను తప్పనిసరి అవసరాల కోసమే వాడుతుంటారు. అటు వంటి వాటిలో ఫ్రిజ్‌ ఒకటని చెప్పొచ్చు. ఇంచుమించుగా చిన్నదైనా, పెద్దనైనా ఫ్రిజ్‌ నేడు ప్రతిఇంట తప్పనిసరి వస్తువుగా మారిందంటే అతిశయోక్తి కాదేమో. అయితే ఫ్రిజ్ కొనటం దగ్గర నుండి దానిని ఎంతో జాగ్రత్తగా వాడుకోవాలి. లేకపోతే వేలాది రూపాయలు పోసి కొన్న ఫ్రిజ్ తక్కువ కాలం లో చెడిపోయే వీలుంది.

1. డీప్ ఫ్రిజ్ లో ఐస్ గడ్డలు పేరుకు పోయినట్లయితే ధర్మోస్టాట్ కంట్రోలర్ మధ్యలోని నాబ్ నొక్కితే.. కరిగి పోతుంది.
2. కరెంటు హెచ్చుతగ్గుల బారి నుండి ఫ్రిజ్ ని కాపాడుకోవాలంటే.. తప్పనిసరిగా 'స్టెబిలైజర్ 'ను వాడాలి.
3. వేడిగా వుండే పదార్ధాలను ప్రిజ్ లో వుంచరాదు. ఎక్కువ కాలం ఫ్రిజ్ లో పెరుగు వుంచడం మంచిది కాదు.
4. వీలయినంత వరకు ఫ్రిజ్ ని వంటగదిలో వుంచరాదు. సహజంగా వంట గదిలో ఎక్కువ ఉష్ణోగ్రత వుంటుంది కాబట్టి.. ఫ్రిజ్ లోని వస్తువులు త్వరగా చల్లబడవు.
5. స్టవ్ లకు , హీటర్ లకు దూరంగా వుంచాలి. లేకుంటే...వాటి వేడి ప్రభావము ఫ్రిజ్ పై పడుతుంది.
6. గరుగ్గా వుండే గుడ్డతో ఫ్రిజ్ ని తుడవరాదు. చారలు పడే అవకాశం వుంది.
7. వస్తువుల కోసం ఫ్రిజ్ ని ఎక్కువ సేపు తెరిసివుంచినట్లయితే... బయటి వాతావరణం వలన అందులోని చల్లదనం తగ్గిపోతుంది. విద్యుత్ వినియోగం పెరుగుతుంది. ఫ్రిజ్ ని వాడుకోవటమే కాదు అందులో పదార్ధాలను కూడ ఎలా పడితే అలా వుంచుకుంటే.. అవి తినడానికి బాగుండవు.
8. కూరగాయలు, ఆకు కూరలను శుభ్రం చేసి పాలిథిన్ సంచుల్లో వుంచాలి.
9. సువాసనలు వెదజల్లే పూవులను ఫ్రిజ్ వుంచకూడదు. వాటి వాసనలు ఆహార పదార్ధాలకు సోకే వీలుంది.
10. బాగా మగ్గిన ఫ్రూట్స్ ని పెట్టినా వాటి వాసన మిగతా ఆహార పదర్ధాల పై పడుతుంది. వాటిని ముక్కలుగా కోసి గిన్నెల్లో పెట్టి మూసి వేస్తే మంచిది.