ప్రేమికులరోజున ప్రేయసికి పన్నీటి ధారలు...

Decor

oi-Saraswathi

By Sindhu

Published: Wednesday, February 1, 2012, 11:47 [IST]

ప్రేమికుల రోజున ఇచ్చే చిన్న కానుకలైనా ..ప్రేమబంధాన్ని మరింత పటిష్టం చేస్తాయి. వాలెంటైన్ డే రోజున ప్రేమికులు ఒకరికొరు బహుమతులు ఇచ్చిపుచ్చుకుని తమలోని ప్రేమ బంధాన్ని తెలుపుతుంటారు. తమ హావ, భావాలను వ్యక్తీకరించే విధానాన్ని జీవితంలో ఎన్నడూ మరిచిపోలేరు. అలాంటి ఆహ్లాదకరమైన అనుభూతి కలిగించే ప్రేమికుల రోజున మీ ప్రేయసి లేదా ప్రియుడికి మంచి మంచి బహుమతి ఇవ్వాలనుకుంటున్నారా..

వాటర్ ఫౌంటెన్ ఇప్పుడు ట్రెండ్ మారింది. మనకు కావలసిన సైజుల్లో బయట దొరుకుతున్నాయి. బాల్కనీలో ఫౌంటెన్ ఏర్పాటు చేసుకోవాలనుకుంటే ఫైబర్‌ తో చేసినదైతే బాగుంటుంది. బాల్కనీ చిన్నగా ఉంటే మాత్రం వాల్ ఫౌంటెన్ ఏర్పాటు చేసుకోవాలి. వాల్ ఫౌంటెన్ కేవలం బాల్కనీ అనే కాదు, ఏ గదుల్లో అయినా అమర్చుకోవచ్చు. ఈ జలపాతం ఎత్తు కనీసం నాలుగు అడుగుల వరకు ఉండాలి. ఈ జలపాతాన్ని ఇంటికి వచ్చే అతిథులకు స్వాగతం పలికేలా ఏర్పాటు చేయాలనుకుంటే విగ్రహాల రూపంలో ఉండేట్లు ఎంచుకోవచ్చు. లివింగ్‌ రూమ్‌ లో అయితే పువ్వులు, మొక్కలు ఉన్న జలపాతాలు మంచి అందాన్ని, శోభనిస్తాయి. పడకగదిలో సూర్యోదయం, చంద్రోదయం ప్రతిబింబించేవయితే బాగుంటాయి. మరి ఇన్ని రకాలుగా ఉన్న వాటర్ ఫౌంటెన్ లో మీ ప్రేయసి నచ్చిన వాటర్ పౌంటన్ సెలక్ట్ చేసి ఇవ్వడమే తరువాయి......

వెంటనే ఓ చిన్న సైజులో లవ్లీ వాటర్ ఫౌంటైన్ రెడీ చేసుకోండి. అది పనిచేసే రీతిలో ఉండాలి. అంతేకాదు ఈ ఫౌంటైన్ నుంచి మెల్లగా వచ్చే సంగీతం ఉంటే ఇంకా మంచిది. చల్లని గాలి.. ఆప్పుడప్పుడు తాకే నీటి తుంపర. తలుచుకుంటే ఎంతో హాయిగా అనిపిస్తుంది. ఈ లవ్లీ వాటర్ ఫౌంటైన్ ఇవ్వడం ద్వారా మీ ప్రేమ ప్రయాణం సాఫీగా సాగిపోతుంది. అలాగే ఇండోర్ విండ్ చిమ్ ఇవ్వడం ద్వారా అందులో నుంచి వెలువడే రొమాంటిక్ మెలోడీ శబ్దాలు మీ ప్రేమకు మీ నుంచి మీ ఇంటి నుంచి పాజిటివ్ శక్తినిచ్చి, మీ ప్రేమను చిగురింప చేస్తుంది.....