మనస్సుకి ఆహ్లాదం..ఇంటికి అందం దీపం...

Published: Thursday, March 1, 2012, 13:21 [IST]

ప్రస్తుతం మార్కెట్లో మాచేర దీపాలు, మైనం దీపాలు అమ్మకానికి వస్తున్నాయి. హిందూ సాంప్రదాయంలో ఏ పండుగ అయినా ముఖ్యంగా దీపాలు పెట్టె పళ్ళెం అలంకరించి చక్కగా వత్తులు వేసి వెలిగించి, పువ్వులతో అలంకరిస్తారు. అందులో ఈ తరహా అలంకరణ ఎంతో అందంగా ఉంటుంది. గాజు గిన్నెల్లో వెండి దీపాలు అమర్చి మధ్యలో రంధ్రం నుంచి వత్తి వెలిగిస్తారు. గాజు గిన్నెలో నూనె పోస్తారు. వెండి గొట్టం మధ్య నుంచి దూది వత్తి పోనిస్తారు. ఇది గంటకు పైగా వెలుగుతుంది. అందువల్ల ఈ తరహా గొట్టాలు ఉన్న కుండీలకు ప్రాముఖ్యత నిస్తున్నారు. నూనె తక్కువ పడుతుంది. ఎక్కువసేపు వెలుగుతుంది.

రెండు సైజులో డిజైన్‌ పళ్ళాలు, మార్కెట్లో ఇత్తడి, స్టీలు, డిజైన్‌ పళ్ళాలు అమ్ముతున్నారు. పెద్ద పళ్ళెం మధ్యలో చిన్న పళ్ళెం పెట్టి దీపాలు నూనె వత్తులు వేసి ఉంచాలి. పెద్ద పళ్ళెంలోచ్ని పళ్ళెం చుట్టూ బంతిపూలు లేక చామంతి, గులాబి పూలు అందంగా పేర్చాలి. రీయల్‌ ఫ్లవర్స్‌ దొరకని పక్షంలో ఇంపోర్టెడ్‌ ఫ్లవర్స్‌, ప్లాస్టిక్‌ ఫ్లవర్స్‌ పళ్ళెంలో అమర్చాలి. ఈ మధ్యలో ఉన్న దీపాలను వెలిగించి, డ్రాయింగ్‌ రూమ్‌ మధ్యలో టీపాయిపై ఉంచడం గాని దేవుని పూజ ముందు ఉంచడంగాని చేస్తే ఎంతో అందంగా ఉంటుంది. దీపం ఏ ఫంక్షన్‌ అయినా అవసరమే. పెద్ద పెద్ద సభల్లో కూడా ఈ దీపాల పళ్ళాలు అత్యంత అందమైన అలంకారము.

దీపాలు చుట్టు పువ్వులకు బదులు చెమ్కిలు, ధర్మాకాల్‌ బాల్స్‌ కూడా పొయ్యవచ్చు. ఇవి మెరుస్తూ ఉంటాయి. దీపాల వెలుగులు పడి మరింత అందం ద్విగుణికృతమవుతుంది. గృహాలంకరణలో ఈనాడు ఈ తరహా అలంకరణ అత్యంత ప్రాముఖ్యత వహిస్తోంది. ఈ పళ్ళెంలో దీపాలు ప్రముఖల చేత జ్యోతి ప్రజ్వలనగా కూడా ఏర్పాటు చేయ్యడంలో దీపకళ ఇమిడి ఉంది.