సెంటర్ టేబుల్ అందంగా...ఆకర్షణీయంగా...అలంకరించడం ఎలా..?

Published: Friday, May 25, 2012, 16:29 [IST]

Simple Ideas To Decorate Center Table...!

ఇంట్లో సెంటర్ టేబుల్ అమర్చుకొన్నట్లైతే, అది ఆ ప్రదేశానికే కాకుండా ఇంటి మొత్తానికి ఓ డిఫరెంట్ లుక్ ను కలిగి ఉంటుంది. ఒక్క డ్రాయింగ్ రూంలోనే కాదు హాల్లో కూడా సెంటర్ టేబుల్ అందంగా ఆకర్షనీయంగా అమర్చుకోవచ్చు. సోఫా ముందు ఏదో కొంత స్థలం ఖాళీగా ఉందికదా అని ఏదో ఒక టేబుల్ వేసేస్తే సరిపోదు. సెంటర్ టేబుల్ ఎంచుకొనే విధానంలోనూ కొత్తదనం కనిపించాలి. సోఫాకు.. ఆ గదికి కూడా ప్రత్యేకతను తెలపాలి. ఈ సెంటర్ టేబుల్ ప్రతి ఇంట్లోనూ అమర్చుకొని వివిధరకాలుగా ఉపయోగించుకొంటుంటారు. బుక్స్, న్యూస్ పేపర్స్ ఇలాంటివి పెట్టుకొనడానికి అనువుగా అమర్చుకొంటుంటారు. అయితే సెంటర్ టేబుల్ ఎక్కడ అమర్చుకోవాలి. ఎలా అందంగా అలంకరించాలి అనేందుకు కొన్ని చిట్కాలు...

1. సెంటర్ టేబుల్ అమర్చడానికి, డ్రాయింగ్ రూం అలంకరణ, మీ అభిరుచి మీదే ఆధారపడి ఉంటుంది. ఎదేని శుభకార్యానికి సెంటర్ టేబుల్ గ్రాండ్ గా అలంకరించుకోవాలి. లేదంటే సాధారణంగా ఉన్నా సరిపోతుంది.
2. సెంటర్ టేబుల్ ను పువ్వులు, బోన్సాయ్ మొక్కలు, పండ్లు, కూరగాయలు, కొవ్వొత్తులు, శిల్పాలు, క్రిస్టల్స్ వంటి వాటితో అలంకరిస్తే చూడటానికి మరింత ఆకర్షణీయంగా కనబడుతాయి.
3. మరొక అద్భుతమైనటువంటి అలంకరణ ఏంటంటే టేబుల్ సెంటర్ లో ఒక చక్కటి ఆకృతి కలిగిన బౌల్(గ్లాస్, ఇత్తడితో తయారు చేసినటువంటి)లో గులాబీ పువ్వుల రేకులు మద్యలో తేలియాడే కొవ్వొత్తులు అమర్చినట్లైతే మరింత అద్భుతంగా సెంటర్ టేబుల్ ఆకర్షింపబడుతుంది.
4. అలాగే ఫ్లవర్ వాజ్ రకరకాల పూలతో కూడినటువంటి సహజమైన పువ్వులు(కాడలతో సహా)అలంకరించనట్లైతే ఆప్రదేశం ప్రకాశవంతంగా ఉంటుంది.
5. సెంట్ క్యాండిల్స్ అలంకరణకు మాత్రమే కాదు, సుగంధ పరిమళాలను వెదజల్లేవిగా ఉంటాయి. కొన్ని సెంట్ క్యాండిల్స్ ఒక కలర్ రిబ్బన్ తోటి టైట్ గా కట్టి ఉంచి టేబుల్ సెంటర్ లో పెట్టి సాయంత్రం వేళ వెలిగిస్తే ఇల్లు ప్రకాశవంతంగా మెరుస్తుంటుంది.
6. సెంటర్ టేబుల్ అలంకరించేందుకు క్యాడింల్ స్టాండ్ ను కూడా ఉపయోగించవచ్చు.
7. ఇంటికి వచ్చే అతిథుల కోసం సెంటర్ టేబుల్ క్రింది బాగంలో మ్యాగజైన్స్, బుక్స్, న్యూస్ పేపర్స్ ఉంచాలి.
8. సెంటర్ టేబుల్ మీద ఒక సాంప్రదాయబద్దంగా ఉండాలంటే వాటిపైన మంచి మాట్స్ వేసుకొంటే బాగుంటాయి. టేబుల్ మీద మరకకాకుండా ఉండేందుకు గ్లాస్ ను ఫిట్ చేసుకొంటే సరిపోతుంది.
9. సెంటర్ టేబుల్ ను సాంప్రదాయ బద్దంగానే కాదు స్టైలిష్ గాను అలంకరించుకోవాలి.
10.ఎప్పుడు కానీ సెంటర్ టేబుల్ మీద ఏవేవో పెట్టేసి టేబుల్ పూర్తిగా కవర్ చేయకూడదు. టేబుల్ మీద కొంత స్థలం ఉండేట్లు చూసుకోవాలి. అప్పుడే మరింత అందంగా ఆకర్షనీయంగా కనిపిస్తుంది.