ఇంటికి అందం..ఆకర్షణ...రెండూ హాల్లోనే....

Published: Wednesday, February 8, 2012, 13:13 [IST]

The Beautiful House Hall Decoration Ideas

బయటి వారు ఎవరైనా సరే ఇంటికి రాంగానే ముందుగా చూసేది లివింగ్ రూం(హాల్). ప్రతి ఇంట్లో ఎక్కువగా గడిపేది హాల్లోనే కాబట్టి ఆ ప్రదేశం ఎంత ఆహ్లాదకరంగా ఉంటే మనస్సు అంత ప్రశాంతంగా ఉంటుంది. ముఖ్యంగా హాల్‌ లోకి గాలి, వెలుతురు, దారాళంగా వచ్చేలా చూసుకోవాలి. కుర్చీలకు, సోఫాలకు కుషన్స్ ముదురు రంగువి ఎంచుకోవాలి. వీటి షేడ్ కర్టెన్స్‌ కు కూడా మాచ్ అయితే మరింత అందంగా కనిపిస్తాయి.

హాలులో ఏవిధమైన సిటింగ్ ఏర్పాట్లు ఉంటే బావుంటుందో చూపండి. ఏ మ్యూజిక్ సిస్టం, టివి., వాల్ హ్యాంగింగ్స్, లైటింగ్ సిస్టం, సోఫాల దగ్గర నేలమీద సుతిమెత్తని తివాచీలు ఎలా ఏర్పాటుచేస్తే అందంగా ఉంటుందో చూడండి. మీ సీటింగ్‌ కు కనీసం మూడు మీటర్ల దూరంలో టీవీ దాని పక్కనే ఓ చిన్న దానిపై తాజాపూలతో వాజ్ ఉంటే లుక్ బాగుంటుంది.

ఇంటికి వచ్చిన అతిధులకు మీరు గోడలకు అమర్చిన పెయింటింగ్స్ చూసి విస్మయపడేలా ఉండాలి. వాటిని ఎక్కడ కొన్నారు అని అడిగి, మాకు కూడా ఇటువంటివి కొనిపెట్టండి అనేలా ఉండాలి. ఓ గోడకు క్యాలెండర్, మరో పక్క వాల్ క్లాక్ తప్పనిసరిగా మన అవసరాన్ని బట్టి అమర్చుకుంటే వెతుక్కునే పనిఉండదు. పుస్తకాలు చదివే అలవాటు ఉన్నవారు బుక్స్ ర్యాక్‌ ను ఓ గోడవారగా ఉంచాలి. హాల్ మరింత అందంగా కనిపించాలంటే హాల్ వాల్స్ మొత్తానికి మీ స్థాయిని బట్టి డిజైన్స్ చేయించుకోవాలి.

హాలులోకి గాలి వెలుతురు బాగా సోకే విధంగా ఉండాలి. అలా లేని పక్షంలో వెలుతురుకై విద్యుత్తు దీపాలను అమర్చుకోవాలి. లైటింగ్ కూడా పెట్టించొచ్చు. హాల్‌ లో సీలింగ్ కూడా అందంగా ఉండేలా చూసుకోవాలి. హాలులో సీలింగ్‌ కు ఉండే బీమ్‌ ల కిందనే సోఫాలు, కుర్చీలు ఉంచరాదు. హాల్ గోడలకు ఉన్న రంగుకు నప్పే విధంగా సీలింగ్ రంగు ఉండేలా చూసుకోవాలి. అతిథులను కిటికీలు, తలుపుల దగ్గర కూర్చోకుండా చూసుకోవాలి. ఇంకా చెప్పాలంటే హాలు కాంతివంతంగా ప్రతిసమయం ప్రకాశిస్తూ ఉండేలా చర్యలు తీసుకోవాలి.