మీ ఇంటిని దిద్దండి సరికొత్తగా - 1

Published: Friday, January 27, 2012, 13:33 [IST]

The proper applicateion of paint on walls... |

1. ఇంటిని అందంగా ఉంచడంలో పెయింట్ ది ప్రముఖ పాత్ర. ఇంటికి వేసే రంగు మన మానసిక స్థితిపై ప్రభావం చూపిస్తుందని పరిశోదనల్లో వెల్లడయ్యింది. అందుకే ఇంటికి వేసే రంగుల విషయంపై శ్రద్ద చూపాల్సిందే. హాలుకి ఎప్పుడూ తెలుపు, కనిపించీ కనిపించనట్టుండే లేత పసుపు రంగు వేసుకోవడం మంచిది. అలాగే లివింగ్ రూమ్ కి లేత గులాబీ, లేత నీలం వంటి రంగులు బాగుంటాయి. బెడ్ రూమ్ కి కూడా ఎప్పుడూ లేతరంగులే వాడితే ప్రశాంతంగా ఉంటుంది. ఇక పిల్లలు ముదురు రంగులనే ఇష్టపడతారు కాబట్టి వాళ్ల గదులకు అవే వేస్తే వాళ్లకూ ఆనందంగా ఉంటుంది.
2. వీలైనంత వరకూ ఇంట్లో ఫర్నీచర్ తక్కువగానే ఉండాలి. ఏవేవో కొని ఇల్లంతా నింపేయవద్ద. వీలైనంత ఖాళీగా ఉండనివ్వండి. అంతేకాదు, ఉన్న ఫర్నిచర్ నే ఐదారు నెలలకోసారి అటూ ఇటూ మార్చి చూడండి, మీ హాలు మీకే కొత్తగా కనిపిస్తుంది.
3. బయటి నుంచి గాలి..వెలుతురు ఇంట్లోకి బాగా వచ్చేలా చూసుకోండి. లైట్ల కాంతి కంటే సూర్యుని కాంతి ఆహ్లాదంగానే కాకుండా ఆరోగ్యంగా కూడా ఉంటుంది.
4. ఖరీదైన పెయింటింగ్ లు కొనాల్సిన అవసరం లేదు. మీ పిల్లలు వేసే చిన్న చిన్న డ్రాయింగ్స్ ను చక్కగా ల్యామినేషన్ చేయించి తగిలించుకోవచ్చు. అలాగే ఎక్కడ పడితే అక్కడ మేకులు కొట్టకుండా గమ్ క్లిప్స్ ను వాడండి. గది చూడటానికి క్లీన్ గా కనిపిస్తుంది.
5. పిల్లలు అల్లరి చేస్తున్నప్పుడు, చదువుకుంటున్నప్పుడు, ఆడుకుంటున్నప్పుడు..ఇలా రకరకాలుగా ఫోటోలు తీసి వాటితో హాల్లో గోడలను అలంకరించుకోండి. మరే పెయింటింగ్సూ వాటికి సాటి రావు.